• search
  • Live TV
కడప వార్తల కోసం
నోటిఫికేషన్స్ పై క్లిక్ చేయండి  

జగనేనా, నేను కానా: డిఎల్

By Pratap
|

DL Ravindra Reddy
కడప: దివంగత నేత వైయస్ రాజశేఖర రెడ్డిపై, ఆయన కుమారుడు వైయస్ జగన్ పై కాంగ్రెసు శాసనసభ్యుడు డిఎల్ రవీంద్రా రెడ్డి తీవ్రంగా ధ్వజమెత్తారు. ముఖ్యమంత్రి పదవికి జగన్ కు మాత్రమే అర్హత ఉందా, నాకు లేదా అని ఆయన అడిగారు. జగన్ ముఖ్యమంత్రి కావాలని తాను సంతకం పెట్టలేదని ఆయన ఆదివారం మీడియా ప్రతినిధుల సమావేశంలో చెప్పారు. వైయస్ పథకాల వల్ల గెలిచామని అంటున్నవారు పథకాల వ్యక్తులా, కాంగ్రెసు వ్యక్తులా తేల్చుకోవాలని ఆయన సూచించారు. తమ పార్టీ అధ్యక్షురాలు సోనియా గాంధీని విమర్శిస్తే సహించేది లేదని ఆయన అన్నారు. తప్పు చేస్తే సోనియాను కూడా ప్రశ్నిస్తామని పార్టీ శాసనసభ్యుడు ఆదినారాయణ రెడ్డి, శ్రీకాంత్ రెడ్డి తదితరులు అనడంపై ఆయన తీవ్రంగా మండిపడ్డారు.

వైయస్ పథకాలే కాదు తెలుగుదేశం పార్టీ అధ్యక్షుడు నారా చంద్రబాబు నాయుడు ప్రవేశపెట్టిన పథకాలు కూడా మంచివేనని, అయితే అమలులోనే లోపాలున్నాయని ఆయన అన్నారు. దివంగత ప్రధాని పివి నరసింహారావు సభలో అప్పటి ముఖ్యమంత్రి విజయభాస్కర్ రెడ్డిపై చెప్పులు విసిరించిన ఘనత వైయస్ రాజశేఖర రెడ్డిదని ఆయన అన్నారు. తాను వైయస్ ఫథకాల వల్ల గెలువలేదని ఆయన అన్నారు. 1980లో జనతా పార్టీ అభ్యర్థికి అనుకూలంగా వైయస్ పనిచేశారని, 1996లో ప్రతిపక్ష పార్టీల అభ్యర్థులను గెలిపించారని ఆయన అన్నారు.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X