రోశయ్యకు క్లాస్ తీసుకున్న మొయిలీ

న్యూఢిల్లీ: ముఖ్యమంత్రి కె. రోశయ్యకు కాంగ్రెసు ఆంధ్రప్రదేశ్ వ్యవహారాల ఇంచార్జీ, కేంద్ర మంత్రి వీరప్ప మొయిలీ సోమవారం క్లాస్ తీసుకున్నట్లు తెలుస్తోంది. రోశయ్య సోమవారం ఉదయం మొయిలీని కలిశారు. ఈ సందర్భంగా రాష్ట్రంలో పరిస్థితిపై చర్చ జరిగినట్లు తెలుస్తోంది. రాష్ట్రంలో పరిస్థితి అదుపు తప్పుతోందని, నియంత్రించాలని మొయిలీ రోశయ్యతో అన్నట్లు తెలుస్తోంది. స్వపక్షం వారే విమర్సలు చేస్తుంటే పార్టీలో క్రమశిక్షణ ఎలా ఉంటుందని ఆయన అడిగినట్లు సమాచారం.

అయితే, రాష్ట్ర పరిస్థితి అదుపులో ఉండాలంటే తనకు కొన్ని అధికారాలు కావాలని రోశయ్య అన్నట్లు తెలుస్తోంది. విస్తరణ ద్వారా సొంత మంత్రివర్గాన్ని ఏర్పాటు చేసుకునే వెసులుబాటు కల్పించాలని ఆయన అన్నట్లు సమాచారం. దీనిపై త్వరలోనే తమ నిర్ణయాన్ని తెలియజేస్తామని మొయిలీ రోశయ్యతో అన్నట్లు సమాచారం.