• search
  • Live TV
నెల్లూరు వార్తల కోసం
నోటిఫికేషన్స్ పై క్లిక్ చేయండి  

సినీ నటి ఆమనిపై వరకట్నం వేధింపుల కేసు

By Pratap
|

Amani
నెల్లూరు: సినీ నటి ఆమనిపై నెల్లూరులోని మహిళా పోలీసుస్టేషన్‌లో వరకట్న వేధింపుల కేసు నమోదైంది. నెల్లూరు నగరానికి చెందిన ఆమె అడపడుచు లీలావతి ఫిర్యాదు మేరకు బుధవారం పోలీసులు కేసు నమోదు చేశారు. బాధితురాలు, పోలీసుల కథనం మేరకు - నెల్లూరు నగరం విరాట్‌నగర్‌కు చెందిన కందుకూరి చెంగయ్య ఆచారి, లక్ష్మీసరస్వతి దంపతుల కుమార్తె లీలావతికి సినీనటి ఆమని సోదరుడు మాదప్ప శ్రీనివాస్ ‌తో 1997లో వివాహమైంది. పెళ్లి సమయంలో శ్రీనివాస్‌కు రూ.7 లక్షల కట్నం, కానుకలు ఇచ్చారు. ఆ తర్వాత తనకు వ్యాపార లావాదేవీల్లో భారీగా నష్టం జరిగిందంటూ రూ.3 లక్షలు ఓ సారి, మరోసారి రూ.15 లక్షలు నగదును లీలావతి తల్లిదండ్రుల నుంచి తీసుకున్నారు.

పెళ్లికి ముందు నుంచే బ్యాంక్ ఉద్యోగి అయిన దేవికళతో సన్నిహితంగా శ్రీనివాస్ సన్నిహితంగా ఉంటూ వచ్చాడు. శ్రీనివాస్‌ దేవీకళను మూడేళ్లకు రెండో పెళ్లి చేసుకున్నాడు. ఆ తర్వాత లీలావతిపై వేధింపులు మరింత పెరిగాయి. ఆడపిల్లలు పుట్టడంతో మరింత వేధింపులు పెరిగాయని చివరికి భరించలేక న్యాయం కోసం పోలీసులను ఆశ్రయించినట్లు లీలావతి వెల్లడించింది. భర్త శ్రీనివాస్‌, అత్త సరోజ, అతని సోదరి ఆమని, దేవికళ తీవ్ర వేధింపులకు గురి చేసినట్లు పోలీసులకు ఇచ్చిన ఫిర్యాదులో లీలావతి చెప్పింది. వరకట్న వేధింపులు, బహుభార్యత్వం కేసులు నమోదు చేసిన పోలీసులు బుధవారం శ్రీనివాస్‌, అతని తల్లి సరోజ, దేవికళను అరెస్టు చేశారు.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X