రజనీకాంత్ రోబో చిత్రాన్ని అడ్డుకుంటాం: గౌడసంఘం

హైదరాబాద్: సూపర్ స్టార్ రజినీకాంత్, ఐశ్వర్యరాయ్ నటీనటులుగా, శంకర్ దర్శకత్వంలో వచ్చిన రోబో చిత్రాన్ని అడ్డుకుంటామని రాష్ట్ర గౌడ సంఘం హెచ్చరించింది. చిత్రంలో గౌడ వర్గాన్ని కించపరిచే కొన్ని సన్నివేశాలు ఉన్నాయని గౌడ సంఘం నాయకుడు నారాయణగౌడ్ అన్నారు. చిత్రంలో ఉన్న అభ్యంతరకర దృశ్యాలు, మాటలను 24 గంటల్లోగా తొలగించకుంటే ఆ చిత్రాన్ని రాష్ట్రవ్యాప్తంగా అడ్డుకుంటామని ఆయన హెచ్చరించారు.

చిత్రం విడుదలయిన రెండు రోజుల్లోనే ఓ వ్యక్తి రోబో చిత్రం కథ తనదేనంటూ మీడియా ముందుకు వచ్చాడు. దర్శకుడు శంకర్ కు ఆ విషయాన్ని మెయిల్ చేశానని, న్యాయం జరగకుంటే రజినీకాంత్, శంకర్ లను కలుస్తానన్నారు. శంకర్ నుండి స్పందన రాకుంటే కోర్టుకు కూడా వెళతానని హెచ్చరించాడు.