రాజీనామా యోచనలో కోమటిరెడ్డి వెంకటరెడ్డి, జానారెడ్డిపై నిప్పులు

హైదరాబాద్‌: ముఖ్యమంత్రి కిరణ్ కుమార్ రెడ్డిపై నల్లగొండ జిల్లాకు చెందిన మంత్రి కోమటిరెడ్డి వెంకటరెడ్డి తీవ్ర ఆగ్రహంతో రగిలిపోతున్నారు. తాను మంత్రి పదవికి రాజీనామా చేస్తానని ఆయన హెచ్చరిస్తున్నారు. తనకు కేటాయించిన శాఖపై ఆయన మండిపడుతున్నారు. గతంలో ఐటి, క్రీడల శాఖలను నిర్వహించిన కోమటిరెడ్డి వెంకటరెడ్డికి ఈసారి ముఖ్యమంత్రి ఓడరేవులను కేటాయించారు. తెలంగాణలో ఓడ రేపులు ఎక్కడున్నాయంటూ కోమటి రెడ్డి వెంకట రెడ్డి ప్రశ్నిస్తున్నారు.

పంచాయతీరాజ్ శాఖను దక్కించుకున్న కె. జానా రెడ్డిపై ఆయన పరోక్షంగా ధ్వజమెత్తుతున్నారు. జిల్లాలో ఒక్క శాసనసభ్యుడిని కూడా గెలిపించుకోలేని వ్యక్తికి ప్రధాన శాఖ కేటాయించి తనకు అప్రధాన శాఖ కేటాయిస్తారా అంటూ ఆయన ప్రశ్నిస్తున్నారు. తాను నలుగురు శాసనసభ్యులను, ఓ పార్లమెంటు సభ్యుడిని గెలిపించుకున్నానని ఆయన చెప్పారు.