శాఖలకోసం కాదు తెలంగాణ కోసం రాజీనామా చేయండి: హరీష్ రావు

హైదరాబాద్: కాంగ్రెసు అధిష్టానం శ్రీకృష్ణ కమిటీ నివేదిక అనంతరం తెలంగాణకు అనుకూలంగా ప్రకటన చేయకపోతే తెలంగాణకు చెందిన మంత్రులు వెంటనే రాజీనామా చేయాలని తెలంగాణ రాష్ట్ర సమితి నేత, సిద్దిపేట శాసనసభ్యుడు తన్నీరు హరీష్ రావు గురువారం విలేకరుల సమావేశం సూచించారు. ఇప్పుడు మంత్రి పదవులు తీసుకున్నప్పటికీ తెలంగాణ కోసం రాజీనామా చేయకుంటే ప్రజలు వారికి దూరమయి, వారు చరిత్ర హీనులుగా మిగిలిపోతారన్నారు.

మంత్రులు తమకు తమకు కేటాయించిన శాఖల కోసం కాకుండా తెలంగాణ కోసం రాజీనామా చేయాలన్నారు. సమైక్యాంధ్రలో తెలంగాణ వారికి అన్నీ పనికిరాని పదవులే దక్కుతాయని ఆయన అన్నారు. ఇప్పటికైనా నిజాలు తెలుసుకోవాలని వారిని కోరారు. తెలంగాణ సాధనకు మంత్రులు కూడా కలిసి రావాలన్నారు.