రాజీనామా బాటలో రాంరెడ్డి వెంకటరెడ్డి, శాఖల కేటాయింపుపై ఆగ్రహం?

హైదరాబాద్‌: తనకు కేటాయించిన శాఖ పట్ల మంత్రి రాంరెడ్డి వెంకటరెడ్డి కూడా తీవ్ర అసంతృప్తి వ్యక్తం చేస్తున్నారు. గతంలో సహకార శాఖను నిర్వహించిన తనకు ప్రాధాన్యం లేని ఉద్యానవన శాఖను కేటాయించారని ఆయన మండిపడుతున్నారు. తాను సహకార శాఖను సమర్థంగా నిర్వహించానని, ఇప్పుడు ఏ మాత్రం ప్రాధాన్యం లేని శాఖను ఇచ్చారని ఆయన అన్నారు. ఇందుకు నిరసనగా ఆయన రాజీనామా చేయాలని భావిస్తున్నట్లు సమాచారం.

రాంరెడ్డి వెంకటరెడ్డి సోదరుడు, నల్లగొండ జిల్లాకు చెందిన కాంగ్రెసు శాసనసభ్యుడు మంత్రులకు కేటాయించిన శాఖలపై మండిపడుతున్నారు. తెలంగాణవారికి శాఖల కేటాయింపులో అన్యాయం జరిగిందని ఆయన విమర్శించారు. కోమటిరెడ్డి వెంకటరెడ్డికి ప్రాధాన్యం లేని శాఖను ఇచ్చారని, దాని వల్ల ఒరిగేదేమీ లేదని ఆయన అన్నారు. తెలంగాణవారికి కేటాయించిన శాఖలన్నీ పనికిమాలినవేనని ఆయన అన్నారు.