సిబిఐకి సహకరిస్తా, నిర్దోషిత్వాన్ని నిరూపించుకుంటా: ఎ రాజా

చెన్నై: 2జి స్పెక్ట్రమ్ కేసులో సిబిఐకి సహకరించి, తన నిర్దోషిత్వాన్ని నిరూపించుకుంటానని మాజీ టెలికం మంత్రి ఎ. రాజా చెప్పారు. 2జి స్పెక్ట్రమ్ కుంభకోణం నేపథ్యంలో సిబిఐ అధికారులు తన నివాసాల్లో సోదాలు నిర్వహిస్తున్న నేపథ్యంలో ఆయన శనివారం ఆ విధంగా అన్నారు. ఇది స్క్టూటినీ మాత్రమేనని, తాను పూర్తిగా సిబిఐకి సహకరిస్తానని, పద్ధతి ఏదైనా తాను దానికి కట్టుబడి ఉండాల్సి అవసరం ఉందని ఆయన అన్నారు.

రాజా ఇళ్లలోనే కాకుండా ఆయనకు సన్నిహితులైన వారి ఇళ్లలో కూడా డిసెంబర్ 8వ తేదీన సిబిఐ సోదాలు నిర్వహించింది. ఢిల్లీలోనూ చెన్నైలోనూ ఈ సోదాలు జరిగాయి. రాజా సహాయకుడు సాదిక్ బాషాను సిబిఐ అధికారులు ప్రశ్నించారు. తిరుచిరాపల్లి రాజా సోదరి, సోదరుడి ఇళ్లలో కూడా సోదాలు జరిగాయి.