టిడిపి రెండు నాల్కల ధోరణి బాగాలేదు: ప్రజారాజ్యం

హైదరాబాద్: ప్రభుత్వం, ప్రతిపక్షాలు ప్రజలకు శాసనసభ ద్వారా ఏం చెప్పాలనుకుంటున్నాయని ప్రజారాజ్యం పార్టీ శాసనసభ్యుడు సత్యానందరావు సోమవారం అసెంబ్లీ ప్రాంగణంలో అన్నారు. ప్రభుత్వం చేతకానితనం వల్లనే సభ రసాబాసగా మారుతుందన్నారు. అవసరమైతే సభను అడ్డుకునే వారిని బయటకు పంపించి రైతు సమస్యపై చర్చించాలన్నారు. ప్రభుత్వ వైఫల్యం శాసనసభ సమావేశాలలో స్పష్టంగా కనిపిస్తుందన్నారు. తెలుగుదేశం పార్టీ రెండు నాల్కల ధోరణితో వ్యవహరిస్తుందన్నారు.

తెదేపా తీరు శాసనసభలో బాగా లేదన్నారు. అసెంబ్లీ సమావేశాలు సజావుగా సాగక పోవటం బాధగా ఉందన్నారు. రైతుల సమస్యలపై చర్చించాలన్నారు. వర్షాలతో పండించిన పంట తీవ్ర నష్టాల పాలై రైతులు తీవ్ర ఇక్కట్లలో ఉన్నారన్నారు. అలాంటి రైతుల సమస్యలపై చర్చించటానికి అధికార, ప్రతిపక్షాలు సభను ఇలా సమయాన్ని వృధా చేయటం సరికాదన్నారు.