చంద్రబాబు వెనక లక్షల మంది రైతులున్నారు: ఎబి బర్దన్

హైదరాబాద్: రైతు సమస్యలపై నిరవధిక నిరాహార దీక్ష చేస్తున్న తెలుగుదేశం పార్టీ ఒంటరివాడు కాదని సిపిఐ ప్రధాన కార్యదర్శి ఎబి బర్దన్ అన్నారు. సిపిఐ రాష్ట్ర నాయకులు నారాయణ, గుండా మల్లేష్ లతో కలిసి ఆయన శుక్రవారం చంద్రబాబు నాయుడిని పరామర్శించి, సంఘీభావం తెలిపారు. చంద్రబాబు వెనక లక్షలాది మంది రైతులున్నారని ఆయన అన్నారు. రైతులు సంతోషంగా ఉంటేనే దేశం సుభిక్షంగా ఉంటుందని ఆయన అన్నారు.

రాష్ట్రంలో పంట నష్టం అంచనాలో రాష్ట్ర, కేంద్ర ప్రభుత్వాలు పూర్తిగా విఫలమయ్యాయని ఆయన అన్నారు. చంద్రబాబు చేపట్టిన ఆందోళనకు తమ మద్దతు ఉంటుందని ఆయన చెప్పారు. నిరాహార దీక్ష చేస్తున్న చంద్రబాబును పరామర్శించేందుకు సిపిఎం ప్రధాన కార్యదర్శి ప్రకాష్ కారత్, జెడియు నేత దేవెగౌడ రేపు హైదరాబాదు రానున్నారు.