మంత్రి డిఎల్ నియోజకవర్గంలో వైయస్ విగ్రహ దిమ్మె కూల్చివేత

కడప: ఆరోగ్య శాఖమంత్రి డిఎల్ రవీందార్రెడ్డి నియోజకవర్గంలో దివంగత ముఖ్యమంత్రి వైయస్ రాజశేఖరరెడ్డి విగ్రహం కోసం ఏర్పాటు చేసిన దిమ్మెను శనివారం రాత్ర్రి రహదారులు మరియు భవన అధికారులు కూల్చవేశారు. డిఎల్ సొంత నియోజకవర్గం మైదుకూరు మండలం తూపల్లి కూడలిలో దారికి అడ్డుగా ఉందంటూ పోలీసులు కూల్చివేశారు. దీంతో వైయస్ అభిమానులు తీవ్ర ఆగ్రహం వ్యక్తం చేస్తున్నారు.

మంత్రి డిఎల్ రవీంద్రారెడ్డి ప్రోత్సాహంతోనే దానిని కూల్చివేశారని ఆరోపించారు. రోడ్డుకు అడ్డంగా ఏమీ లేదని వారు అంటున్నారు. తామంతా చందాలు వేసుకొని వైయస్ విగ్రహాన్ని ఏర్పాటు చేసుకోవాలనుకుంటే ఇలా అడ్డుకోవటం సరికాదన్నారు. కాగా త్వరలో ఏర్పటాు రోడ్డు నిర్మాణానికి అడ్డుగా ఉన్నందునే దానిని కూలగొట్టినట్లుగా తెలుస్తోంది.