సీమాంధ్ర ప్రజలకు జై బోలో తెలంగాణ సినిమా ప్రేరణ ఇస్తుంది: కెసిఆర్

హైదరాబాద్: సీమాంధ్ర ప్రజలు జై ఆంధ్ర ఉద్యమానికి జై బోలో తెలంగాణ సినిమా ప్రేరణగా నిలుస్తుందని తెలంగాణ రాష్ట్ర సమితి (తెరాస) అధ్యక్షుడు కె. చంద్రశేఖర రావు ఆశించారు. కొద్ది మంది సీమాంధ్ర వ్యాపారులకు మాత్రమే సినిమా వ్యతిరేకంగా ఉందని, వారి గుట్టును సీమాంధ్ర ప్రజలు తెలుసుకుని జై ఆంధ్ర ఉద్యమాన్ని సినిమా చూసిన తర్వాత నిర్మిస్తారని అనుకుంటున్నానని ఆయన అన్నారు. సినిమా చూసిన తర్వాతనైనా మనసు మార్చుకోవాలని ఆయన సూచించారు. తన కుటుంబ సభ్యులతో కలిసి కెసిఆర్ శుక్రవారం హైదరాబాదులోని సుదర్శన్ థియేటర్‌లో సినిమా చూశారు.

జై బోలో తెలంగాణ సినిమా అద్భుతంగా ఉందని ఆయన ప్రశంసించారు. ప్రతి తెలంగాణ వ్యక్తి ఈ సినిమా చూడాలని ఆయన సూచించారు. మూడు తరాల తెలంగాణ పోరాటాన్ని అద్బుతంగా చిత్రీకరించిన సినిమా దర్శకుడు శంకర్‌ను నాలుగు కోట్ల తెలంగాణ ప్రజల తరఫున అభినందిస్తున్నట్లు ఆయన తెలిపారు. ఈ చిత్రాన్ని ఇతర భాషల్లోకి తీసుకుని వెళ్తామని ఆయన చెప్పారు. జై బోలో తెలంగాణ సినిమా తెలంగాణ ఉద్యమానికి ఉపయోగపడుతందని తెలంగాణ జెఎసి చైర్మన్ కోదండరామ్ అభిప్రాయపడ్డారు. జెఎసి నాయకులతో కలిసి ఆయన సినిమా చూశారు. తెలంగాణ ప్రజా ఫ్రంట్ అధ్యక్షుడు గద్దర్ ప్రసాద్ ఐమాక్స్‌లో సినిమా తీశారు.