పీఆర్పీ విలీనంపై పునరాలోచించుకో: చిరంజీవికి నారాయణ లేఖ

హైదరాబాద్: ప్రజారాజ్యం పార్టీని కాంగ్రెసు పార్టీలో విలీనం చేయడాన్ని ప్రశ్నిస్తూ సిపిఐ రాష్ట్ర కార్యదర్శి నారాయణ బుధవారం చిరంజీవికి ఓ లేఖ రాశారు. అవినీతితో పోరాడుతామని చెప్పిన చిరంజీవి ఇప్పుడు పూర్తిగా అవినీతిలో కూరుకుపోయిన కాంగ్రెసు అవినీతి రోచ్చులో ఎలా జతకడతారని ప్రశ్నించారు. కేంద్రంలో పదవి ఇస్తే వచ్చే గౌరవం కంటే ఒంటరిగా ఉంటేనే మరింత గౌరవం ఉంటుందని ఆయన లేఖలో చిరంజీకి సూచించారు. ప్రజారాజ్యం పార్టీని కాంగ్రెసు‌లో విలీనం చేయడాన్ని పునరాలోచించుకోవాలని సూచించారు.

కేంద్రంలోని పదవి కంటే రాష్ట్ర ప్రజల హృదయాల్లో మీకు అంతకంటే గౌరవం ఉందన్నారు. నిన్నటి వరకు మీరో పెద్ద హీరో, ఇప్పుడు కాంగ్రెసు‌లో కలవడం ద్వారా జీరో అయ్యారని చెప్పారు. కాంగ్రెసు పార్టీలో ఉండి సామాజిక న్యాయాన్ని సాధించలేరని చెప్పారు. ప్రజల హృదయాలలో ఉన్న మీ గౌరవం నిలబెట్టుకోవాలంటే మీరు ఆ పార్టీతో జత చేరవద్దన్నారు.

English summary

CPI State secretary Narayana wtote a letter to Chiranjeevi today. Narayana suggested Chiranjeevi in his letter to rethink about merger of PRP in Congress. He also said now Chiranjeevi is zero. He also suggested that Chiru will not achieve social justice with Congress. Chiru occupied Andhra people hearts, but merger decision disappointed them, Narayana said.