మాజీ మావోయిస్టు నేత సాంబశివుడి హత్యకు హైదరాబాద్ లింక్
హంతకులు హిందీలో మాట్లాడినట్లు కూడా సాంబశివుడి వెంట ఉన్నవారు పోలీసులకు చెప్పినట్లు తెలుస్తోంది. కాగా, సాంబశివుడి హత్య వెనక ప్రభుత్వ పాత్ర ఉందనే తెరాస నాయకుల విమర్శలను నల్లగొండ ఎస్పీ రాజేష్ కుమార్ ఖండించారు. సాంబశివుడి హత్య వెనక ప్రభుత్వం గానీ, పోలీసు యంత్రాంగం గానీ లేవని ఆయన స్పష్టం చేశారు. సాంబశివుడి హత్యకు పలు కారణాలు ఉండవచ్చునని ఆయన అభిప్రాయపడ్డారు. మావోయిస్టు పార్టీలో ఉన్నప్పుడు అతనికి గల విభేదాలు కూడా హత్యకు కారణమై ఉండవచ్చునని ఆయన అన్నారు. భూవివాదాలు కూడా కారణమై ఉండవచ్చునని ఆయన అన్నారు. రెండు, మూడు రోజుల్లో సాంబశివుడి హత్య కేసును ఛేదిస్తామని ఆయన చెప్పారు. కాగా, సాంబశివుడి హత్యకు నిరసనగా తెరాస సోమవారం నల్లగొండ జిల్లాకు బంద్ నిర్వహిస్తోంది.
Click it and Unblock the Notifications
Sign in with Google