వైయస్ జగన్ పార్టీ జెండాపై ఈసీకి కాంగ్రెసు పార్టీ ఫిర్యాదు

By Srinivas

Published: Friday, April 1, 2011, 15:11 [IST]

హైదరాబాద్: మాజీ పార్లమెంటు సభ్యుడు వైయస్ జగన్మోహన్ రెడ్డికి చెందిన వైయస్ఆర్ కాంగ్రెసు పార్టీ గుర్తుపై కాంగ్రెసు పార్టీ ఎన్నికల సంఘానికి శుక్రవారం ఫిర్యాదు చేసింది. కాంగ్రెసు పార్టీ సీనియర్ నాయకుడైన కమలాకర్ జగన్ పార్టీ వైయస్ఆర్ కాంగ్రెసు పార్టీని కడప పార్లమెంటు, పులివెందుల అసెంబ్లీ ఎన్నికలలో వారి గుర్తుతో ఎన్నికలకు వెళ్లకుండా చర్యలు తీసుకోవాలని కోరారు.

జగన్ పార్టీ జెండా గుర్తులో వైయస్ఆర్ ఫోటోతో పాటు ప్రభుత్వం చేపడుతున్న పథకాలు ఉన్నాయని ఆయన అన్నారు. వైయస్ఆర్ కాంగ్రెసు పార్టీకిలో ఉంటూ మరణించినందువల్ల ఆయన పోటోతో ఉప ఎన్నికలకు వెళ్లనివ్వరాదని కోరారు. అలాగే ప్రభుత్వ పథకాలు ఆ జెండాలో ఉన్నందున అనుమతిని నిరాకరించాలని కోరారు. దీనిపై స్పందించిన ఎన్నికల సంఘం లిఖిత పూర్వకంగా ఇస్తే స్పందిస్తానని చెప్పింది.

Published On April 1, 2011