వైయస్ జగన్ ప్రచారానికి కొండారెడ్డి డుమ్మా: కాంగ్రెసులో చేరే అవకాశం

కడప: మాజీ పార్లమెంటు సభ్యుడు, వైయస్ఆర్ కాంగ్రెసు పార్టీ అధ్యక్షుడు వైయస్ జగన్మోహన్ రెడ్డికి ఆదిలోనే హంసపాదు ఎదురయింది. జగన్ బుధవారం ప్రారంభించిన ప్రచారం సందర్భంగా ఇది బయట పడింది. ఆదిలోనే జగన్‌కు అసంతృప్తుల బెడద తగిలింది. ఈ రోజు జమ్మలమడుగు నియోజకవర్గంలో ప్రచార కార్యక్రమానికి వచ్చిన సందర్భంలో జగన్ మద్దతుదారుడు అయిన ఎంపీపీ కొండారెడ్డి జగన్ ప్రచార కార్యక్రమంలో పాల్గొనలేదు.

జగన్ వర్గంలో ఉన్న కొండారెడ్డి కాంగ్రెసు వైపు మొగ్గు చూపుతున్నట్టుగా తెలుస్తోంది. అందుకే ఆయన ప్రచారంలో పాల్గొనలేదని తెలుస్తోంది. జగన్‌కు గట్టి మద్దతుదారుడు అయిన ఆదినారాయణరెడ్డి నియోజకవర్గం జమ్మలమడుగు. ఆ నియోజకవర్గంలో దాదాపు అందరూ జగన్ వెంటే ఉండే అవకాశం ఉంది. అయితే ఎంపీపీ కొండారెడ్డి కాంగ్రెసు వైపు మొగ్గు చూపుతున్నట్టుగా కనిపించడంతో జగన్ వర్గంలో ఆందోళన నెలకొంది. పలువురు టిడిపి నేతలతో కలిసి ఆయన కాంగ్రెసులో చేరనున్నట్టుగా తెలుస్తోంది.

English summary

It seems, Ex MP YS Jaganmohan Reddy camp MPP Konda Reddy will join in Congress soon, with TDP members. Konda Reddy was not participated in Jagan's campaign in Jammalamadugu.