ఇంటర్ విద్యార్థిని గ్యాంగ్ రేప్: హైదరాబాదులో పట్టపగలే దారుణం

హైదరాబాద్: పట్ట పగలు రాష్ట్ర రాజధాని హైదరాబాదులో ఓ అమ్మాయిని కిడ్నాప్ చేసి గ్యాంగ్ రేప్ చేసిన ఘోర సంఘటన ఆదివారం చోటు చేసుకుంది. ఆ సంఘటన హైదరాబాద్ నగరం నడిబొడ్డున చోటు చేసుకోవడం దారుణం. ఇంటర్మిడియేట్ చదువుతున్న ఓ అమ్మాయి ఆదివారం ఉదయం ప్రార్థనాలయానికి వెళుతున్న సమయంలో కొందరు దుండగులు ఆమెను కిడ్నాప్ చేసి కారులో తీసుకు వెళ్లారు. అనంతరం ఆమెను గ్యాంగ్ రేప్ చేసి బర్కత్‌పురా రోడ్డుపైన విడిచి పెట్టి వెళ్లిపోయారు. అపస్మార స్థితిలో ఉన్న ఆమెను స్థానికులు గుర్తించి 108కి ఫోన్ చేశారు.

108 వాహనం వచ్చి ఆమెను నయాపూల్ ఆసుపత్రికి తరలించారు. విద్యార్థినిని విడిచి పెట్టిన ప్రదేశం నారాయణ గూడ పోలీసు స్టేషన్‌కు చాలా దగ్గరలోనే ఉంది. పోలీసులు కేసు నమోదు చేసుకొని దర్యాఫ్తు చేస్తున్నారు. అమ్మాయి మాట్లాడలేని స్థితిలో ఉంది. అయితే తెలిసిన వారే ఈ దుర్మార్గానికి పాల్పడవచ్చని భావిస్తున్నారు. అయితే కారును గుర్తించేందుకు పోలీసులు ప్రయత్నాలు చేస్తున్నారు.

English summary

It is unfortunate to said that some are make gang rape on intermediate student in Hyderabad.