టిడిపిని వీడి బయటకి రండి: నాగం జనార్ధన్ రెడ్డికి కోదండరామ్ సూచన

హైదరాబాద్: తెలుగుదేశం పార్టీని వీడి నాగం జనార్ధన్ రెడ్డి బయటకు రావాలని తెలంగాణ రాజకీయ జెఏసి చైర్మన్ ప్రొఫెసర్ కోదండరామ్ ఆదివారం సూచించారు. ఆత్మగౌరవం చంపుకొని తెలుగుదేశంలో ఉండవలసిన అవసరం లేదని అన్నారు. ఆయన పార్టీని వీడి బయటకు వస్తే అందరం మద్దతు పలుకుతామని చెప్పారు. నాగం వెంట తెలంగాణ ప్రజలు ఉంటారని అన్నారు. తెలంగాణ కోసం ఉద్యమించే వారి వెంట ఉన్నామని చెప్పారు.

మంత్రులు తెలంగాణ విషయంపై స్పష్టత వచ్చే వరకు అలాగే పదవుల్లో కొనసాగితే ఎక్కడకు వెళ్లినా అడ్డుకుంటామని హెచ్చరించారు. కడప ఉప ఎన్నికలలో ప్రచారానికి వెళ్లిన వారిని తెలంగాణ వ్యతిరేకులుగా ఆయన పేర్కొన్నారు. కడప ఉప ఎన్నికల ప్రచారానికి వెళ్లడం అంటే సమైక్యవాదానికి తలవంచడమే అని అభిప్రాయపడ్డారు. ప్రభుత్వం వెంటనే 177 జివోను రద్దు చేయాలని ఆయన డిమాండ్ చేశారు.

English summary

Telangana political JAC chairman Kodandaram welcome Nagam Janardhan Reddy. He suggested Nagam to leave TDP. He said telangana people with Nagam.