తెలంగాణ అంటే నాగంపై ఊరకుక్కల్లా పడ్డారు: ఎర్రబెల్లిపై కెటిఆర్ ధ్వజం

By Srinivas

Published: Sunday, April 17, 2011, 13:20 [IST]

హైదరాబాద్: తెలంగాణపై కాస్త గట్టిగా మాట్లాడుతున్న తెలుగుదేశం పార్టీ శాసనసభ్యుడు నాగం జనార్ధన్ రెడ్డిపై తెలుగుదేశం పార్టీ తెలంగాణ శాసనసభ్యులు ఊరకుక్కల్లా పడుతున్నారని తెలంగాణ రాష్ట్ర సమితి సిరిసిల్ల శాసనసభ్యుడు కల్వకుంట్ల తారక రామారావు ఆదివారం ధ్వజమెత్తారు. తెలుగుదేశం పార్టీ కార్యాలయంలో కొందరు చిల్లర నాయకులు ఉన్నారన్న నాగం వ్యాఖ్యలతో కెటిఆర్ ఏకీభవించారు.

టిడిపి అంటే తెగువ లేని దద్దమ్మల పార్టీ అన్నారు. ఎర్రబెల్లి దయాకరరావు వంటి నేతలు తెలంగాణ ఆత్మ గౌరవాన్ని ఆ పార్టీ అధ్యక్షుడు చంద్రబాబునాయుడు వద్ద తాకట్టు పెడుతున్నారని ఆరోపించారు. చంద్రబాబుకు కట్టుబానిసలుగా ఉన్న వారిని తెలంగాణ వాదులు అనుకోవడం పొరపాటన్నారు. టిఆర్ఎస్ అధ్యక్షుడు కెసిఆర్ ఆస్తులపై విచారణకు తాము సిద్ధమని ప్రకటించారు. అందుకు దమ్ము ఉంటే చంద్రబాబు ముందుకు రావాలని డిమాండ్ చేశారు.

Published On April 17, 2011