అల్పుడు చంద్రబాబు చేతిలో ఎన్టీఆర్ బలయ్యాడు: లక్ష్మీపార్వతి

హైదరాబాద్: అల్పుడైన చంద్రబాబు నాయుడి చేతిలో మహానుభావుడు ఎన్టీ రామారావు ప్రాణాలు కోల్పోయారని ఎన్టీఆర్ తెలుగుదేశం పార్టీ అధ్యక్షురాలు, స్వర్గీయ ఎన్టీఆర్ సతీమణి లక్ష్మీపార్వతి అన్నారు. స్వర్గీయ ఎన్టీఆర్‌కు ఆమె శనివారం నివాళులు అర్పించి మీడియా ప్రతినిధులతో మాట్లాడారు. అల్పుడైన బోయవాడి చేతిలో శ్రీకృష్ణుడు హతమైనట్లు, అల్పుడైన తెలుగుదేశం పార్టీ అధ్యక్షుడు నారా చంద్రబాబు నాయుడి చేతిలో ఎన్టీ రామారావు హతమయ్యాడని ఆమె అన్నారు. చంద్రబాబు నాయకత్వంలో తెలుగుదేశం పార్టీ భ్రష్టు పట్టిందని ఆమె విమర్శించారు.

తెలుగుదేశం పార్టీ మహానాడు వెలవెలబోతోందని ఆమె అన్నారు. తెలుగుదేశం పార్టీ ఆ వైభవం లేకుండా పోయిందని ఆమె అన్నారు. ఎన్టీ రామారావు శ్రీకృష్ణుడి అవతారమని, ఎన్టీ రామారావు వంటి వ్యక్తి మళ్లీ రాజకీయాల్లో కనిపించబోరని ఆమె అన్నారు. చంద్రబాబు చర్యల వల్ల మనస్తాపానికి గురై ఎన్టీ రామారావు అసువులు బాశారని ఆమె అన్నారు. ఎన్టీ రామారావు వంటి వ్యక్తి చరిత్రలో మరొకరు లేరని ఆమె అన్నారు. రాజకీయాల్లోనూ సినిమాల్లోనూ ఎన్టీ రామారావు చరిత్ర సృష్టించారని ఆమె అన్నారు.

English summary

NTR Telugudesam party president and NTR's wife Laxmi Parvathi accused that NTR dead because of TDP president N Chandrababu Naidu.