ఆ అధికారి ఇళ్లలో ఏసిబి సోదాలు, రూ.10 కోట్ల ఆస్తులు గుర్తింపు

హైదరాబాద్: నీటి సరఫరా శాఖ అధికారి భారీగా అక్రమ ఆస్తులు కలిగి ఉన్నాడన్న సమాచారం అందడంతో అవినీతి నిరోధక శాఖ(ఎసిబి) అధికారులు గురువారం సదరు అధికారి ఇళ్లపై దాడులు నిర్వహించి సుమారు 10 కోట్ల రూపాయల ఆస్తులను కనుగొన్నారు. నీటి సరఫరా అధికారిగా పని చేస్తున్న రాములు నాయక్ ఇళ్లలో ఎసిబి సోదాలు నిర్వహించింది. రాష్ట్ర రాజధాని హైదరాబాదు అంబరుపేటలోని ఆయన ఇంటితో పాటు కర్నూలు, అనంతపురం, కడప, మహబూబ్‌నగర్ జిల్లాలోని ఆయనకున్న ఇళ్లలో ఎసిబి సోదాలు చేసింది.

వివిధ జిల్లాల్లో ఉన్న ఆయన ఇళ్లలో ఎసిబి ఏకకాలంలో సోదాలు జరిపింది. ఈ సోదాల్లో డబ్బు, భారీగా బంగారు నగలు, కీలకమైన పత్రాలు అధికారులు కనుగొన్నట్లుగా తెలుస్తోంది. కాగా సోదాలు పూర్తయ్యాక మరిన్ని ఆస్తులు బయటపడే అవకాశం ఉన్నట్లుగా ఎసిబి అధికారులు భావిస్తున్నారు.

English summary

ACB officers found Rs.10 crores property at water works officer Ramulu Naik. ACB searched at his houses in Hyderabad, Kurnool and etc.