విశాఖలో ఆటో డ్రైవర్‌ను వెంటాడి కత్తులతో నరికి చంపిన దుండగులు

By Pratap

Published: Sunday, June 12, 2011, 15:45 [IST]

విశాఖపట్నం: విశాఖపట్నం అరిలోవా ప్రాంతంలో ఓ ఆటో డ్రైవర్ ఆదివారం మధ్యాహ్నం దారుణ హత్యకు గురయ్యాడు. రవి అనే ఆటో డ్రైవర్‌ను నలుగురు దుండగులు వెంటాడి కత్తులతో నరికి చంపారు. రవి కాళ్లూ చేతులు నరికారు. తల కూడా నరికారు. దీంతో రవి మరణించాడు. నలుగురు వ్యక్తులు ఈ దారుణానికి పాల్పడినట్లు అనుమానిస్తున్నారు.

రవి హత్యకు గల కారణాలు తెలియడం లేదు. రవిని ఎవరు, ఎందుకు హత్య చేశారనే విషయాలపై స్పష్టత రావడం లేదు. రవి హైదరాబాదులో ఉంటూ ఇటీవలే విశాఖపట్నం వచ్చాడు. రవి హత్యకు అక్రమ సంబంధం గానీ ఆర్థిక లావాదేవీలు గానీ కారణమై ఉండవచ్చునని అనుమానిస్తున్నారు. హంతకులు రవి మిత్రులే అయి ఉండవచ్చునని కూడా అంటున్నారు.

Published On June 12, 2011