వైయస్ జగన్ అరెస్టు చాన్స్‌లపై జోరుగా బెట్టింగు

హైదరాబాద్: వైయస్సార్ కాంగ్రెసు పార్టీ అధ్యక్షుడు వైయస్ జగన్మోహన్ రెడ్డి అరెస్టవుతారా, అయితే ఎప్పుడవుతారనే విషయాలపై కడప జిల్లాలో జోరుగా బెట్టింగులు సాగుతున్నాయి. ఈ మేరకు ఓ ఆంగ్ల దినపత్రిక శనివారం వార్తాకథనాన్ని ప్రచురించింది. జగన్ రెడ్డి సొంత జిల్లా కడపలో ఈ బెట్టింగుల జోరు సాగుతున్నట్లు ఆ ఆ పత్రిక రాసింది. కడప పట్టణంలోనే కాకుండా ప్రొద్దుటూరు, పులివెందుల, జమ్మలమడుగు, రాయచోటి ప్రాంతాల్లో ఈ బెట్టింగులు జరుగుతున్నట్లు ఆ పత్రిక రాసింది.

వైయస్ జగన్ అరెస్టు జరుగుతుందని దాదాపు అందరూ అంగీకరిస్తున్నప్పటికీ ఎంత కాలంలో అరెస్టవుతారనే విషయంపైనే ప్రధానంగా బెట్టింగు సాగుతున్నట్లు ఆ పత్రిక రాసింది. వారంలో అరెస్టవుతారనే దానికి, పక్షం రోజుల్లో అరెస్టవుతారనడానికి వేర్వేరు రేట్లు పలుకుతున్నాయట. నెలలో అరెస్టవుతారనే వాదనకు ఎక్కువ రేటు పలుకుతోందని అంటున్నారు. జగన్ సెప్టెంబర్ 15వ తేదీన అరెస్టవుతారని కొంత మంది కచ్చితంగా బెట్టింగ్ కడుతున్నారని ఆ పత్రిక రాసింది. కర్ణాటక మాజీ మంత్రి గాలి జనార్దన్ రెడ్డికి బెయిల్ లభిస్తుందా, లేదా అనేదానిపై కూడా బెట్టింగులు సాగుతున్నట్లు ఆ పత్రిక రాసింది.

English summary

This is the talk doing the rounds in Jagan Reddy's home turf of Kadapa district. While people believe that Kadapa muddu bidda' Jagan would be sent to jail sooner or later, a heavy betting running into crores of rupees on the timing of his arrest is on.