వచ్చే ఎన్నికల్లో పోటీ చేస్తా: నందమూరి బాలకృష్ణ

అనంతపురం: వచ్చే ఎన్నికల్లో తాను పోటీ చేస్తానని ప్రముఖ హీరో నందమూరి బాలకృష్ణ అనంతపురం జిల్లాలో సంచనల ప్రకటన చేశారు. అనంతపురం జిల్లాలో ఉన్న బాలయ్య తాను వచ్చే ఎన్నికల్లో పోటీకి సిద్ధంగా ఉన్నానని ఏదో ఒక నియోజకవర్గం నుండి పోటీ చేస్తానని చెప్పారు. అయితే తాను ఎక్కడి నుండి పోటీ చేస్తాననే అంశాన్ని అప్పుడే చెప్పలేనన్నారు. అప్పటి పరిస్థితులు, వాతావరణాన్ని పరిగణలోకి తీసుకొని పోటీ చేస్తానని చెప్పారు. తనకు ఏ ప్రాంతం పైనా మక్కువ ఎక్కువ లేదన్నారు. తనకు అన్ని ప్రాంతాలు సమానమేనని చెప్పారు. నేను అందరి వాడనన్నారు.

అయితే తాను ఎన్నికల్లో పోటీ చేసినప్పటికీ ముఖ్యమంత్రి పోటీలో మాత్రం లేనని చెప్పారు. అయితే ఇటీవల బాలయ్య తాను రాజకీయాలలోకి వస్తానని చెబుతూ వస్తున్నారు. అమెరికాలో బసవతారకం క్యాన్సర్ హాస్పిటల్ కోసం నిధులు సేకరణకు వెళ్లినప్పుడు అక్కడా తాను రాజకీయాల్లోకి వస్తానని చెప్పారు. అయితే తాను ముఖ్యమంత్రి రేసులో లేనని బావ చంద్రబాబు నాయుడే ముఖ్యమంత్రి అని స్పష్టం చేశారు. ఇప్పుడు కూడా ఆయన అదే చెప్పారు.

English summary

Hero Nandamuri Balakrishna said that he will contest in next election.