ఊసరవెల్లితో జగన్ రాజకీయం: ఎమ్మెల్యే వివేకా

హైదరాబాద్: శ్రీ పొట్టి శ్రీరాములు నెల్లూరు జిల్లా పార్లమెంటు సభ్యుడు మేకపాటి రాజమోహన్ రెడ్డి, శాసనసభ్యుడు మేకపాటి చంద్రమోహన్ రెడ్డి పై కాంగ్రెసు పార్టీ శాసనసభ్యుడు ఆనం వివేకానంద రెడ్డి శనివారం తీవ్రస్థాయిలో విరుచుకు పడ్డారు. వారు దారి దోపిడీ గాళ్లని విమర్శించారు. సీఎల్పీ కార్యాలయంలో ఆయన విలేకరులతో మాట్లాడారు. దమ్ముంటే రాజీనామాలు ఆమోదించాలని మేకపాటి సోదరులు అంటున్నారని, కానీ, చరిత్ర చూస్తే ఎవరికి దమ్ముందో తెలుస్తుందని ఆగ్రహం వ్యక్తం చేశారు. పేరుకు రాజీనామాలు ఇచ్చినా వాటిని ఆమోదించవద్దంటూ స్పీకర్లను వేడుకుంటున్నారని ఆరోపించారు.

అన్నదమ్ములిద్దరూ ఒకరు రాత్రి దొంగ, మరొకరు పగటి దొంగ అని విమర్శించారు. కాంగ్రెస్‌ను కాదని ఏ పార్టీ నుంచి పోటీ చేసినా మీకు జింతాథానే అని హెచ్చరించారు. ఇలాంటి ఆషాడభూతులను, ఊసరవెల్లులను నమ్ముకుని జగన్ రాజకీయం చేస్తున్నారన్నారు.

English summary

MLA Anam Vivekananda Reddy blamed Mekapati brother yesterday.