తెలంగాణ ఉద్యమం: కెసిఆర్ భద్రత కట్టుదిట్టం

By Srinivas

Published: Sunday, October 9, 2011, 13:24 [IST]

హైదరాబాద్: ప్రత్యేక తెలంగాణ రాష్ట్ర సాధన కోసం సకల జనుల సమ్మె ఉద్యమం ఉధృతంగా జరుగుతున్న నేపథ్యంలో నిఘావర్గాల హెచ్చరికల మేరకు తెలంగాణ రాష్ట్ర సమితి అధ్యక్షుడు కల్వకుంట్ల చంద్రశేఖర రావుకు ప్రభుత్వం భద్రతను పెంచడం చర్చనీయాంశమవుతోంది. తెలంగాణ ఉద్యమం ఉధృతంగా ఉన్న ప్రస్తుత పరిస్థితుల్లో కెసిఆర్‌కు ఏం జరిగినా ప్రభుత్వానికి నష్టం చేస్తోంది. దీంతో ఆయనకు ఎవరి నుండైనా ప్రమాదం పొంచి ఉండవచ్చన్న నిఘావర్గాల సూచనల మేరకు ప్రభుత్వం కెసిఆర్ భద్రత కోసం అప్రమత్తంగా ఉండేలా ప్రభుత్వం చర్యలు తీసుకుంది.

కాగా కెసిఆర్‌కు ప్రత్యేకంగా భద్రత పెంచింది లేక పోయినప్పటికీ ఉన్న వారినే అప్రమత్తపరిచింది. అంతేకాకుండా ఇప్పటి వరకు కెసిఆర్ సొంత కారును వాడేవారు. కానీ ఇప్పుడు మాత్రం ఆయన ప్రభుత్వం ఇచ్చిన బుల్లెట్ ప్రూఫ్ స్కార్పియోను వాడాల్సి ఉంటుంది. ఇటీవలి వరకు ఆయనకు ప్రభుత్వం సుమోను కేటియించింది. ఇప్పుడు స్కార్పియోను మార్చింది. అయితే కెసిఆర్‌కు కేటాయించిన స్కార్పియో సెకండ్ హ్యాండ్ కారు. అంతేకాకుండా భద్రత దృష్ట్యా బంజారాహిల్సులోని ఆయన ఇంటికి ఎలక్ట్రికల్ ఫెన్సింగ్ ఏర్పాటు చేసుకోవాలని సూచించాయి.

Published On October 9, 2011