గజల్ గాయకుడు జగ్జీత్ సింగ్ కన్నుమూత

By Pratap

Published: Monday, October 10, 2011, 10:39 [IST]

న్యూఢిల్లీ: ప్రముఖ గజల్ గాయకుడు జగ్జీత్ సింగ్ కన్నుమూశారు. ఆయన వయస్సు 70 ఏళ్లు. ముంబైలోని లీలావతి ఆస్పత్రిలో చికిత్స పొందుతూ ఆయన సోమవారం ఉదయం 8 గంటల ప్రాంతంలో తుదిశ్వాస విడిచారు. మెదడులో రక్తస్రావం జరగడంతో సెప్టెంబర్ 23వ తేదీన ఆయనను లీలావతి ఆస్పత్రిలో చేర్చారు. ఆస్పత్రిలో ఆయనకు శస్త్రచికిత్స జరిగింది.

తన భార్య చిత్రా సింగ్‌తో కలిసి ప్రదర్సనలు ఇచ్చిన జగ్జీత్ గజల్ చక్రవర్తిగా పేరు పొందారు. జగ్జీత్ సింగ్ రాజస్థాన్‌లోని శ్రీ గంగానగర్‌లో జన్మించారు. ఆయనకు నలుగురు సోదరీమణులు, ఇద్దరు సోదరులు ఉన్నారు. ఆయనను కుటుంబసభ్యులు జీత్ అని పిలుస్తారు. మేరీ జిందగీ అవుర్ కిష్కీ, మేరే నామ్ కా కోయి అవుర్ హై, అప్నీ మర్జీ సె కహా అప్నే సఫర్ వంటి అనేక గజళ్లు ఆయనకు పేరు ప్రఖ్యాతులు తెచ్చిపెట్టాయి. సర్ఫరోస్, తర్కీబ్ వంటి సినిమాల్లో ఆయన పాటలు పాడారు.

Published On October 10, 2011