అశ్లీల నృత్యాలు, ఫెర్టిలైజర్ కంపెనీ నిర్వాకం

గుంటూరు: గుంటూరులో ఓ ఫెర్టిలైజర్ కంపెనీ నిర్వాకం వెలుగులోకి వచ్చింది. గుంటూరులోని బండ్లమూడి గార్డెన్స్‌లో ఆగాన్ ఇండియా అనే పురుగుల మందు కంపెనీ అశ్లీల నృత్యాల ప్రదర్శనను ఏర్పాటు చేసింది. డీలర్లకు, రైతులకు వినోదం పంచడానికి ఆగాన్ ఇండియా ఫెర్టిలైజర్స్ కంపెనీ ఈ నృత్య ప్రదర్శనను ఏర్పాటు చేసింది. పోలీసులకు సమాచారం అందడంతో వారు దాడి చేసి కొంత మందిని అరెస్టు చేశారు. పోలీసులు వస్తున్నారనే సమాచారాన్ని ముందే తెలుసుకున్న నిర్వాహకులు పారిపోయారు. ఇందుకు సంబంధించిన దృశ్యాలను కొన్ని టీవీ చానెల్స్ ప్రసారం కూడా చేశాయి.

గుంటూరులో అశ్లీల నృత్యాల ప్రదర్సనను ఏర్పాటు చేయడం ఇదే మొదటిసారి కాదు. డీలర్లను వినోదం పంచి, తమ వ్యాపారాన్ని అభివృద్ధి చేసుకోవడానికి ఫెర్టిలైజర్స్ కంపెనీలు, విత్తనాల కంపెనీలు ఇటువంటి వినోదాత్మక ప్రదర్శనలు ఏర్పాటు చేయడం మామూలేనని అంటారు. గతంలో కూడా ఇటువంటి సంఘటనలు వెలుగు చూశాయి.

English summary

Agan India fertilizers organized obscene dances at Guntur foe dealers and farmers.