నటి రొమ్ముపై నెపం కుక్క మీదికి నెట్టిన ఫోరం

ముంబయి: తన రొమ్ము దెబ్బ తినడానికి వైద్యుల నిర్లక్ష్యమే కారణమంటూ ఓ వర్ధమాన నటి వినియోగదారుల ఫోరంలో ఫిర్యాదు చేసింది. రొమ్ము వృద్ధి దెబ్బ తినడానికి పెంపుడు కుక్క కాణమై ఉంటుందంటూ వినియోగదారుల ఫోరం కారణమంటా ఆమె ఫిర్యాదును తోసిపుచ్చింది. వైద్యుల నిర్లక్ష్యం, సేవలో లోపమే తన రొమ్ము వృద్ధిలో నష్టానికి కారణమనే విషయం నటి సరైన ఆధారాలు చూపలేకపోయిందని ఫోరం అభిప్రాయపడింది. వక్షోజాలకు ఆ నటి శస్త్రచికిత్స చేయించుకుంది. తన రొమ్ము ఇంప్లాంట్ దెబ్బ తినడం వల్ల దాన్ని తొలగించడానికి రెండో సారి శస్త్రచికిత్స చేయించుకోవాల్సి వచ్చిందని ఆ నటి ఆరోపించింది.

పెంపుడు కుక్క ఆమెపై దుమకడం వల్ల ఆమె రెండో సారి ఇంప్లాంట్ చేసుకోవాల్సిన అవసరం ఏర్పడి ఉంటుందని ఫోరం చెప్పింది. వైద్యులు, నర్సింగ్ హోం నిర్లక్ష్యంగా వ్యవహరించినట్లు ఆధారాలు లేవని చెప్పింది. ఇంప్లాంట్ చేసిన వైద్యుడు, ఇంప్లాంట్ తొలగించిన వైద్యుడు - ఇద్దరు కూడా నిర్లక్ష్యంగా వ్యవహరించారంటూ అందుకు 20 లక్షల రూపాయల నష్టపరిహారం చెల్లించాలని డిమాండ్ చేస్తూ ఫోరంలో ఆమె కేసు దాఖలు చేసింది.

English summary

A small-time actress had filed a medical negligence case for a breast implant gone awry. The consumer forum has dismissed her case, reasoning that her pet dog might have been responsible for the damage that occurred after the enhancement surgery.