పరిటాల హత్యలో జగన్ పాత్ర, నేర చరిత్ర బయటకు: వర్ల

By Srinivas

Published: Sunday, November 13, 2011, 16:27 [IST]

హైదరాబాద్: మాజీ మంత్రి, దివంగత తెలుగుదేశం పార్టీ నేత పరిటాల రవి హత్య కేసులో సాక్షుల హత్యకు వైయస్సార్ కాంగ్రెసు పార్టీ అధ్యక్షుడు, కడప పార్లమెంటు సభ్యుడు వైయస్ జగన్మోహన్ రెడ్డియే కారకుడని తెలుగుదేశం పార్టీ సీనియర్ నేత వర్ల రామయ్య ఆదివారం ఎన్టీఆర్ ట్రస్టు భవనంలో ఏర్పాటు చేసిన మీడియా సమావేశంలో విమర్శించారు. వైయస్ జగన్మోహన్ రెడ్డి నేర చరిత్ర ఇప్పుడిప్పుడే వెలుగులోకి వస్తుందని ఆయన వ్యాఖ్యానించారు.

మహాబలేశ్వరప్ప కంపెనీ యజమాని సతీష్‌ను తుపాకీతో జగన్ బెదిరించారని ఆరోపించారు. సతీష్‌ను తుపాకీతో బెదిరించలేదని జగన్ చెప్పగలరా అని ప్రశ్నించారు. పరిటాల రవి, మొద్దు శీను హత్య కేసుల్లోనూ జగన్ ప్రమేయం ఉందనన్నారు. పరిటాల హత్య కేసులో జగన్ పాత్ర ఉన్నట్లు తాము సిబిఐ దృష్టికి తీసుకు వచ్చినట్లు చెప్పారు.

Published On November 13, 2011