సిబిఐపై పిటిషన్: విజయ సాయి రెడ్డికి చుక్కెదురు

హైదరాబాద్: జగతి పబ్లికేషన్స్ వైస్ చైర్మన్ విజయ సాయి రెడ్డికి మంగళవారం నాంపల్లి కోర్టులో చుక్కెదురైంది. సిబిఐ పరిధి దాటి వ్యవహరిస్తోందంటూ ఇటీవల విజయ సాయి రెడ్డి వేసిన పిటిషన్‌ను న్యాయస్థానం కొట్టి వేసింది. పిటిషన్‌కు సంబంధించిన ఎలాంటి స్పష్టమైన ఆధారాలు లేదని కోర్టు పేర్కొంది. కాగా జగన్ ఆస్తుల కేసు విషయంలో సిబిఐ తన పరిధి దాటి వ్యవహరిస్తోందని విజయ సాయి రెడ్డి కోర్టుకెక్కిన విషయం తెలిసిందే.

సిబిఐ విచారణ పేరుతో సాక్ష్యులను ఒత్తిళ్లకు, భయాందోళనకు గురి చేస్తోందని ఆయన తన పిటిషన్‌లో పేర్కొన్నారు. 2004కు ముందు అంశాలపై దర్యాఫ్తు జరపవద్దని ఆయన కోర్టును కోరారు. అయితే ఆయన పిటిషన్‌ను కోర్టు మంగళవారం కొట్టివేసింది.

English summary

Nampally Court dismissed Vijaya Sai Reddy petition on CBI attitude.