మద్దెలచెర్వు సూరి అనుచరుడు మదన్మోహన్ అరెస్టు

By Srinivas

Published: Tuesday, December 13, 2011, 8:58 [IST]

హైదరాబాద్: మద్దెలచెర్వు సూరి అనుచరుడు మదన్మోహన్ రెడ్డిని సోమవారం రాత్రి సిఐడి పోలీసులు అరెస్టు చేశారు. సూరి హత్య కేసులో ప్రధాన నిందితుడు భానుకిరణ్‌కు సంబంధించిన పలు ఆస్తులకు మదన్మోహన్ బినామీ అని సమాచారం. సూరి జీవించి ఉన్న సమయంలో భానుకిరణ్‌తో కలిసి మదన్మోహన్ మహేశ్వరంలో సుధీర్ రెడ్డి అనే వ్యక్తిని బెదిరించి ఐదెకరాల భూమిని తన పేరు మీద రాయించుకున్నాడన్న ఆరోపణలు ఉన్నాయి. ఈ విషయమై ఇటీవల సుధీర్ రెడ్డి ఫిర్యాదు చేశారు.

సూరితో కలిసి కూడా సెటిల్మెంట్లు చేసినట్టు ఆరోపణలు ఉన్నాయి. సూరి హత్యకు గురైన సమయంలో మదన్మోహన్ కారు డ్రైవర్‌గా ఉన్నాడు. ఈ హత్య కేసులో మదన్మోహన్‌ను పోలీసులు ఇదివరకే ప్రధాన సాక్షిగా విచారించి వదిలేశారు. అయితే ఆయన సెటిల్మెంట్లు బయటపడటంతో సోమవారం రాత్రి అరెస్టు చేశారు. ఇతనిని మంగళవారం ఉదయం మెజిస్ట్రేట్ ముందు హాజరుపరుచనున్నారు.

Published On December 13, 2011