• search
  • Live TV
వరంగల్ వార్తల కోసం
నోటిఫికేషన్స్ పై క్లిక్ చేయండి  

పోలీస్-టిఆర్ఎస్ బాహాబాహీ: సొమ్మసిల్లిన హరీష్

By Srinivas
|

Harish Rao
వరంగల్: జిల్లాలోని జనగామలో జెఏసి శిబిరాన్ని సందర్శించేందుకు వెళ్లిన తెలంగాణ రాష్ట్ర సమితి సిద్దిపేట శాసనసభ్యుడు హరీష్ రావుపై వరంగల్ జిల్లా పోలీసులు బుధవారం మాట జారారు. దీంతో పరిస్థితి ఉద్రిక్తంగా మారింది. హరీష్ రావు, వినయ్ భాస్కర్, జెఏసి చైర్మన్ కోదండరామ్ శిబిరాన్ని సందర్శించేందుకు వెళ్లారు. వారిని పోలీసులు అడ్డుకున్నారు. అంతేకాకుండా హరీష్ రావుపై మాట జారినట్లుగా తెలుస్తోంది. దీంతో టిఆర్ఎస్, పోలీసుల మధ్య వాగ్వాదం చోటు చేసుకుంది. తమ పట్ల పోలీసుల వైఖరిని నిరసిస్తూ హరీష్ రావు రోడ్డుపై బైఠాయించారు. పోలీసులు వారిని పంపించే ప్రయత్నాలు చేశారు. టిఆర్ఎస్ వర్గాలు అడ్డుకోవడంతో తోపులాట జరిగింది. జనగామ సిఐ హరీష్ రావు చొక్కా పట్టుకొని లాగినట్లుగా తెలుస్తోంది. ఈ ఘటనలో హరీష్ రావు సొమ్మసిల్లి పడిపోయారు. పరిస్థితి చేయి దాటుతుందని భావించిన పోలీసులు లాఠీఛార్జ్ చేశారు. నలుగురికి గాయాలయ్యాయి. మీడియా ప్రతినిధులపై కూడా పోలీసులు దౌర్జన్యంగా ప్రవర్తించారు. అనంతరం పోలీసులు హరీష్ రావును, వినయ్ భాస్కర్‌ను అరెస్టు చేశారు.

హరీష్ రావు, వినయ్ భాస్కర్ అరెస్టుపై టిఆర్ఎస్ నేతలు విరుచుకు పడ్డారు. చంద్రబాబు తన వైఖరి చెప్పిన తర్వాతనే వరంగల్ జిల్లాలో పర్యటించాలన్నారు. బాబు కోసం పోలీసులు తెలంగాణ నేతల పట్ల దురుసుగా ప్రవర్తించడమేమిటని ప్రశ్నించారు. తెలంగాణ టిడిపి నేతలు బాబు వైఖరి ఇప్పటికైనా తెలుసుకోవాలన్నారు. తెలంగాణవాదులపై కేసులు పెడుతూ ప్రభుత్వం ఉద్యమాన్ని నీరుగార్చే ప్రయత్నాలు చేస్తుందన్నారు. చంద్రబాబు రైతు ముసుగు వేసుకొని వచ్చినంత మాత్రాన ఎవరూ నమ్మరన్నారు. ఆయనకు తెలంగాణ ప్రజలు షాక్ ఇవ్వక తప్పదన్నారు.

English summary
MLAs Vinay Bhaskar and Harish Rao were arrested by Jangaon police today. MLAs arrest created high tension in Warangal district.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X