థానేలో సోనియా గాంధీ పేరుతో నకిలీ రేషన్ కార్డు

By Srinivas

Published: Thursday, January 12, 2012, 10:07 [IST]

థానే: ఏఐసిసి అధ్యక్షురాలు, యుపిఏ చైర్ పర్సన్ సోనియా గాంధీ పేరిట నకిలీ రేషన్ కార్డు మంజూరైంది. గతంలో నకిలీ రేషన్ కార్డుల అంశం చాలా విన్నాం. కానీ సోనియా గాంధీ పేరిట నకిలీ రేషన్ కార్డు రావడం విశేషం. థానేలోని ఉలాస్ నగర్‌కు చెందిన ఓ వ్యక్తి పరిశీలన కారణంగా ఈ విషయం బయటకు వచ్చిందంట. ఆయన చెప్పిన వివరాల ప్రకారం.. గత ఏడాది ఆగస్టు ఏడవ తేదిన థానేలోని రేషన్ కార్డుల జారీకి సంబంధించిం ఓ అధికారు ఈ కార్డును మంజూరు చేశాడట. అందులో టెన్ జనపథ్, న్యూఢిల్లీ అని ఉంది.

అంతేకాదు వారి సంతానంగా ఏఐసిసి ప్రధాన కార్యదర్శి, సోనియా కూతురు రాహుల్ గాంధీ, ప్రియాంక గాంధీ పేర్లు ఉన్నాయట. ఈ కార్డులో సోనియా కుటుంబం యొక్క వార్షికాదాయం రూ.30వేలుగా పేర్కొన్నారు. మరో విషయమేమంటే ఈ కార్డు ద్వారా ఇప్పటికి రెండుసార్లు రేషన్ కోటా విడుదలైందట.

Published On January 12, 2012