సొంతూరులో స్టెప్పులేసిన మంత్రి గల్లా అరుణ కుమారి

చిత్తూరు: సంక్రాంతి ఉత్సవాలకు సొంతూరు వెళ్లిన మంత్రి గల్లా అరుణ కుమారి బాగా ఎంజాయ్ చేస్తున్నారు. సొంత గ్రామస్తులు, బంధువులతో కలిసి అన్ని కార్యక్రమాల్లో ఉత్సాహంగా పాల్గొంటున్నారు. ఆదివారం డప్పులకు అనుగుణంగా స్టెప్పులు వేసి అందరినీ అలరించారు. మహిళలతో కలిసి కోలాటం ఆడారు. ఈ సందర్భంగా ఆమె మాట్లాడుతూ సంక్రాంతి పండుగ సందర్భంగా ఈ మూడు రోజులు అన్నింటిని మరిచిపోయి అందరం కలిసి పండుగను ఉత్సాహంగా జరుపుకుంటామన్నారు. తాను మంత్రిని అయినప్పటికీ ఇప్పటికీ ఊళ్లోని వారు చిన్నప్పుడు తనను పిలిచినట్లుగానే ఆత్మీయంగా చిన్నమ్మ, అక్క అని పిలుస్తున్నారన్నారు. మంత్రిని అయినప్పటికీ అనుబంధాలను మరిచిపోలేమన్నారు.

కాగా సోమవారం ఉదయం పదకొండు గంటల ప్రాంతంలో చిత్తూరు జిల్లా రంగంపేటలో జల్లికట్టు పోటీలు ప్రారంభం కానున్నాయి. ఈ పోటీలలో పాల్గొనేందుకు జిల్లాతో పాటు ప్రక్క జిల్లాల ప్రజలు కూడా భారీగా తరలి వస్తారు. అయితే ఇలాంటి పోటీలకు అనుమతిచ్చిది లేదని అడ్డుకుంటామని పోలీసులు చెబుతున్నారు. కాగా తమిళనాడులో ఈ సంవత్సరం జల్లికట్టు పోటీలపై నిషేధం ఎత్తి వేశారు.

English summary

Minister Galla Aruna Kumari danced in her own village on sunday. She enjoyingSankarati with relatives.