• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

వైయస్ జగన్ అరెస్టుపై పార్టీ నేతల భిన్న వాదనలు

By Pratap
|

Ambati Rambabu and Gattu Ramachandra Reddy
హైదరాబాద్: తమ పార్టీ అధ్యక్షుడు వైయస్ జగన్ అరెస్టు అవుతారనే ప్రచారంపై వైయస్సార్ కాంగ్రెసు పార్టీ నాయకులు భిన్న వాదనలు వినిపిస్తున్నారు. మరో వైపు ఏప్రిల్ 2వ తేదీలోగా వైయస్ జగన్ అరెస్టవుతారని ముమ్మరంగా ప్రచారం జరుగుతోంది. వైయస్ జగన్ ఆస్తుల కేసులో ఏప్రిల్ 2వ తేదీలోగా సిబిఐ చార్జిషీట్ దాఖలు చేయాల్సి ఉంది. అందువల్ల ఈలోగా జగన్‌ను అరెస్టవుతారని అంటున్నారు. జగన్ అరెస్టు కావడం ఖాయమని కాంగ్రెసు సీనియర్ శాసనసభ్యుడు జెసి దివాకర్ రెడ్డి అన్నారు. అయితే, కోవూరు ఉప ఎన్నికకు ముందా, తర్వాతనా అనేది చెప్పలేనని ఆయన అన్నారు. దీన్నిబట్టి జగన్ అరెస్టవుతారనే ప్రచారానికి బలం చేకూరుతోంది. కాగా, వైయస్సార్ కాంగ్రెసు పార్టీ నాయకులు మాత్రం జగన్ అరెస్టయితే, పార్టీని ఎలా నడిపించాలనే విషయంపై దృష్టి పెడుతూనే భిన్న వాదనలు వినిపిస్తున్నారు.

వైయస్ జగన్ అరెస్టు కావడం ఖాయమని వైయస్సార్ కాంగ్రెసు రాష్ట్ర నాయకుడు గట్టు రామచంద్రరావు ఖమ్మలో జిల్లా నేతలతో మూడు రోజుల క్రితం అన్నారు. జగన్ ను సిబిఐ ఏ క్షణంలోనైనా అరెస్ట్ చేస్తుందని చెప్పారు. జగన్ ను అరెస్ట్ చేసినప్పటికీ కార్యకర్తలు భయాందోళనలకు గురికావలసిన అవసరంలేదని, అయితే వారు ఏ త్యాగాలకైనా సిద్దంగా ఉండాలని కోరారు. దీంతో జగన్ ను త్వరలో అరెస్ట్ చేయడం ఖాయమని ఆ పార్టీ అగ్రనేతలే భావిస్తున్నారన్న అనుమానాలు వ్యక్తమయ్యాయి.

గట్టు రామచందర్ రావు మాట్లాడిన మర్నాడు ఆ పార్టీ అధికార ప్రతినిధి అంబటి హైదరాబాదులో అందుకు భిన్నమైన వాదన వినిపించారు. జగన్‌ను సిబిఐ అసలు అరెస్ట్ చేయదని అన్నారు. జగన్ ఎటువంటి తప్పు చేయలేదని, నిర్దోషులను సిబిఐ ఎందుకు అరెస్ట్ చేస్తుందని ఆయన ప్రశ్నిస్తూనే జగన్‌ను అరెస్ట్ చేస్తే తీవ్రపరిణామాలు ఎదురవుతాయని హెచ్చరించారు. అంబటి రాంబాబు ప్రకటన ఒక విధంగా గట్టు రామచందర్ రావు మాటలను బలపరుస్తున్నట్లుగానే ఉంది.

English summary
YSR Congress leaders are expressing different opinions on YS Jagan arrest rumours.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X