కూతురి పట్ల అసభ్య ప్రవర్తన, భర్తను చంపిన భార్య

మహబూబ్ నగర్/ఖమ్మం: కన్న కూతుళ్లతో అసభ్యంగా ప్రవర్తిస్తున్నాడని భర్తను భార్య హత్య చేసిన సంఘటన మహబూబ్ నగర్ జిల్లాలో ఆదివారం చోటు చేసుకుంది. జిల్లాలోని నాగర్ కర్నూలు మండలం ఉయ్యాలవాడ గ్రామంలో ఓ భర్త నిత్యం తాగి వచ్చి కుటుంబాన్ని చిత్ర హింసలకు గురి చేస్తున్నాడు. శనివారం రాత్రి కూడా సదరు భర్త బాగా తాగి వచ్చి కన్న కూతురితోనే అసభ్యంగా ప్రవర్తించాడు. దీంతో విసిగి పోయిన భార్య ఆవేశం పట్టలేక తన తనయుడి సహాయంతో భర్తపై గొడ్డలితో దాడి చేసింది. ఈ దాడిలో భర్త మృతి చెందాడు. పోలీసులు కేసు నమోదు చేసుకొని దర్యాఫ్తు చేస్తున్నారు.

మరోవైపు మెదక్ జిల్లాలోని జహీరాబాద్‌లో హమాలీ కాలనీలో దంపతులు ఆత్మహత్యకు ప్రయత్నించారు. ఈ ఘటనలో భార్య మృతి చెందింది. భర్త పరిస్థితి విషమంగా ఉంది. అతనిని వెంటనే హాస్పిటల్‌కు చికిత్స నిమిత్తం తరలించారు. రంగారెడ్డి జిల్లా చీలాపూర్‌లో ఓ వివాహిత అనుమానాస్పద స్థితిలో మృతి చెందింది. కర్నూలు జిల్లాలో ఓ పేకాడ ఆడుతున్న ఆరుగురిని పోలీసులు అరెస్టు చేశారు. వారి నుండి రూ.9,500 స్వాధీనం చేసుకున్నారు.

English summary

A wife killed her husband in Mahaboobnagar district.