ముంబైలో బాంబు కలకలం, అనుమానంతో తనిఖీ

ముంబై: మహారాష్ట్ర రాజధాని ముంబైలో మరోసారి బాంబు కలకలం చెలరేగింది. ముంబైలోని అంథేరీలో గల ఇన్పినిటి మాల్ వద్ద అనుమానాస్పద సంచీ కనిపించింది. డెటొనేటర్ వంటి వస్తువు ఉన్నట్లు కనిపెట్టారు. దాన్ని స్వాధీనం చేసుకున్నారు. అనుమానాస్పద సంచీ ఉన్న ప్రాంతాన్ని పోలీసులు దిగ్బంధం చేశారు.

ఆ తర్వాత ఉగ్రవాద నిరోధక బలగాలు అక్కడికి చేరుకున్నాయి. మాల్‌కు సమీపంలోని చెత్తకుండీ వద్ద ఉన్న అనుమానాస్పద వస్తువును తీసుకుని పరిశీలించారు. సినిమాల్లో పొగను సృష్టించడానికి వాడే పొగంబాబు అని బాంబు స్క్వాడ్ తేల్చింది. దీంతో అందరూ ఊపరి పీల్చుకున్నారు.

అనుమానాస్పద వస్తువు ఉందని తెలియగానే బాంబు స్క్వాడ్ మాల్‌ను ఖాళీ చేయించారు. పరిసర ప్రాంతాలను కూడా ఖాళీ చేయించారు. అనుమానాస్పదంగా కనిపించింది పొగబాంబు మాత్రమేనని, అసలు బాంబు కాదని బాంబు స్క్వాడ్ తేల్చింది.

అనుమానాస్పద వస్తువును పోలీసులు తనిఖీ చేస్తున్నారని, భయపడాల్సిందేమీ లేదని ముంబై పోలీసు అధికార ప్రతినిధి నిసార్ తంబోలి చెప్పారు.

English summary

A suspicious object that looked like a detonator was recovered near Infiniti mall, Andheri, Mumbai today.Reports reveal that the entire area was cordoned off by the Police and bomb squad.