ఉప రాష్ట్రపతి పదవికి కిశోర్ చంద్రదేవ్ పేరు?

న్యూఢిల్లీ: ఉపరాష్ట్రపతి పదవికి కాంగ్రెసు నేతృత్వంలోని యుపిఎ అభ్యర్థిగా ఆంధ్రప్రదేశ్‌కు చెందిన ప్రస్తుత కేంద్ర మంత్రి కిశోర్ చంద్రదేవ్ పేరు పరిశీలనలోకి వచ్చినట్లు తెలుస్తోంది. కాంగ్రెస్ పరిశీలిస్తున్న పేర్లలో మన రాష్ట్రానికి చెందిన నేత, కేంద్ర మంత్రి కిషోర్ చంద్రదేవ్ పేరు కూడా ఉన్నట్టు సమాచారం. శుక్రవారం సోనియా నేతృత్వంలో ప్రధాని మన్మోహన్ సింగ్ సమక్షంలో జరిగిన కాంగ్రెస్ కోర్ కమిటీ సమావేశంలో ఇదే విషయం చర్చకు వచ్చింది.

ఉప రాష్ట్రపతి పదవికి సంబంధించి ప్రస్తుత ఉప రాష్ట్రపతి అన్సారీ, కేంద్ర మంత్రి కిషోర్ చంద్రదేవ్, నాగాలాండ్ మాజీ ముఖ్యమంత్రి ఎస్.సి.జమీర్‌ల పేర్లు ఈ భేటీలో చర్చకు వచ్చాయి. ప్రణబ్ ముఖర్జి రాష్ట్రపతి అభ్యర్థిగా ఎంపికైన తర్వాత జరుగుతున్న తొలి కోర్‌కమిటీ భేటీ ఇదే కావడం విశేషం. అలాగే, ఉపరాష్ట్రపతి ఎన్నికల నోటిఫికేషన్ విడుదల తర్వాత కాంగ్రెస్ ముఖ్య నేతలు సమావేశం కావడం ఇదే ప్రథమం.

రాష్ట్రపతి ఎన్నికల పోలింగ్ జులై 19వ తేదీన జరగనుంది. ప్రణబ్ ముఖర్జీ విజయం దాదాపుగా ఖరారైనట్లు భావిస్తున్నారు. ఈ స్థితిలో కాంగ్రెసు నాయకత్వం ఉప రాష్ట్రపతి పదవికి అభ్యర్థిని ఎంపిక చేసే పనిలో పడినట్లు చెబుతున్నారు. ప్రధాన ప్రతిపక్షం బిజెపి రాష్ట్రపతి ఎన్నికల్లో సంగ్మాకు మద్దతు ఇస్తోంది. దీంతో ఉప రాష్ట్రపతి పదవికి ప్రతిపక్షాల అభ్యర్థిని పరిశీలించాల్సిన అవసరం కాంగ్రెసుకు లేకుండా పోయింది.

మరో వైపు తృణమూల్ కాంగ్రెసు అధినేత, పశ్చిమ బెంగాల్ ముఖ్యమంత్రి మమతా బెనర్జీ రాష్ట్రపతి అభ్యర్థి విషయంలో కొలికి పెట్టడం కూడా ఉప రాష్ట్రపతి పదవికి కాంగ్రెసు తన అభ్యర్థినే ఖరారు చేసే అవకాశాలున్నాయని అంటున్నారు.

English summary

It is said that Congress leadewrship is taking the Union minister Kishore Chadradeo, belongs to Andhra Pradesh, into consideration for the post of Kishore Chandradeo.