రాజకీయాలపై షకీలా ఆసక్తి: త్వరలో ఏదో పార్టీలోకి?

చెన్నై: మాజీ గ్లామర్ క్వీన్ షకీలా రాజకీయాలలోకి వచ్చేందుకు ఆతృత చూపుతున్నారట. తనకు రాజకీయాలు అంటే ఆసక్తి అని ఆమె ఓ సందర్భంలో చెప్పారని గుర్తు చేస్తున్నారు. రాజకీయాలను ఎప్పటికి అప్పుడు ఆమె ఫాలో అవుతుంటారట. రాజకీయాలంటే ఆసక్తి ఎక్కువగా ఉన్న ఆమె త్వరలో ఏదో ఒక పార్టీలో చేరే అవకాశాలు ఎక్కువగా కనిపిస్తున్నాయని తమిళనాట చెప్పుకుంటున్నారు. సెక్సీ డాల్‌గా గుర్తింపు పొందిన షకీలాకు అభిమానులు ఎక్కువే! ఆమె రాజకీయ ఆరంగేట్రం కోసం వారు కూడా ఎదురు చూస్తున్నారట.

1973 నవంబర్ 19న పుట్టిన షకీలా సాఫ్ట్ కోర్, బి టైప్ మూవీస్‌లలో నటించింది. ప్రధానంగా మలయాళం, తమిళ్, తెలుగు, పంజాబీ, కన్నడ తదితర భాషా చిత్రాలలో నటించింది. ఆమె బి గ్రేడ్ చిత్రాలలో 1990లలో నటించింది. ఆ తర్వాత చెన్నై వెళ్లిన ఆమె సౌత్ ఇండియా ఫిల్మ్ ఇండస్ట్రీలో ప్రవేశించింది.

ప్రధానంగా తొలుత తమిళ సాఫ్ట్ పోర్న్ చిత్రాలలో నటించింది. ఆమె తన ఇరవయ్యో ఏట ప్లే గర్ల్ చిత్రంలో సహాయ నటి పాత్ర పోషించింది. ఈ చిత్రం పోర్న్ మూవీ. ఈ చిత్రంలో సిల్క్ స్మిత ప్రధాన పాత్రలో కనిపించింది. ఆ తర్వాత పలు బి గ్రేడ్ చిత్రాల్లో షకీలా నటించింది. కిన్నరతుంబికల్ చిత్రం ద్వారా ఆమె వెలుగులోకి వచ్చింది. ఆమె మళయాలంలో నటించిన పలు చిత్రాలు ఇతర భాషల్లోకి అనువదింపబడ్డాయి.

English summary

Former glamour queen Shakeela is very much interested in politics. She may join some political party at any time.