• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

ట్వీట్స్: బాలకృష్ణను అడుగు.. లోకేష్‌కు కెటిఆర్ కౌంటర్

By Srinivas
|
Lokesh - K Taraka Rama Rao
హైదరాబాద్: తన పైన, సిద్దిపేట శాసనసభ్యుడు హరీష్ రావు పైన ట్విట్టర్‌లో సంచలన వ్యాఖ్యలు చేసిన తెలుగుదేశం పార్టీ అధ్యక్షుడు నారా చంద్రబాబు నాయుడు తనయుడు నారా లోకేష్‌కు తెలంగాణ రాష్ట్ర సమితి సిరిసిల్ల శాసనసభ్యుడు కల్వకుంట్ల తారక రామారావు చురకలు వేశారు. లోకేష్ ముందుగా తన తండ్రి చరిత్ర తెలుసుకొని మాట్లాడాలని సూచించారు. లోకేష్ అవగానతో మాట్లాడాలన్నారు. ఆంధ్రా అహంకారానికి ఇది నిదర్శనమన్నారు.

చంద్రబాబు నిత్యం రంగులు మార్చే వ్యక్తి అని ఆయన గురించి తెలుసుకోకుండా మాట్లాడితే ఎలా అన్నారు. 2009 ఎన్నికల్లో టిఆర్ఎస్‌తో పొత్తు పెట్టుకొని గెలిచిన సీట్లలో తెలుగుదేశం పార్టీ వెంటనే రాజీనామా చేయాలని డిమాండ్ చేశారు. ఈ రోజు కేంద్ర హోంమంత్రి సుశీల్ కుమార్ షిండేకు ఇచ్చిన టిడిపి లేఖలో ఎక్కడా తెలంగాణ అనే పదం లేదన్నారు. అలాగే తెలంగాణను సమర్థిస్తామని కూడా లేదన్నారు. చంద్రబాబు నాయుడుకు తక్కువ విశ్వసనీయత ఉంటుందన్నారు. బాబు గురించి బాలకృష్ణ, హరికృష్ణను అడిగితే చెబుతారన్నారు. మామను వెన్నుపోటు పొడిచిన చరిత్ర తెలుసుకోవాలన్నారు.

అనుభవం లేని మాటలు

నారా లోకేష్ మాటలు అనుభవం లేనివిగా పోచారం శ్రీనివాస్ రెడ్డి కొట్టి పారేశారు. లోకేష్‌కు తమ పైన, తమ పార్టీ పైన మాట్లాడే అర్హత ఏమాత్రం లేదన్నారు. లోకేష్‌కు ఇంగ్లీష్ వస్తే తెలంగాణ పదం లేఖలో ఎక్కడ ఉందో చూపించాలన్నారు. భాష అర్థం కాకపోతే అనువాదం చేయించుకోవాలని సూచించారు. తెలంగాణపై టిడిపిలో స్పష్టత లేదన్నారు. కేంద్ర హోంమంత్రి సుశీల్ కుమార్ షిండేకి ఇచ్చిన లేఖలో ఏమాత్రం స్పష్టత లేదన్నారు. లోకేష్‌కు మాట్లాడే అర్హత ఏమాత్రం లేదన్నారు.

శ్రవణ్ నిప్పులు

తమ పార్టీ ప్రజాప్రతినిధులపై నారా లోకేష్ వ్యాఖ్యలు సరికావని తెరాస నేత శ్రవణ్ కుమార్ అన్నారు. కాలం చెల్లిన లేఖతో మోసం చేశారన్నారు. అవాకులు చవాకులు పేలడం చిల్లర మాటలే అన్నారు. అఖిల పక్ష సమావేశం సీమాంధ్ర కుట్రలో భాగమేనని ఆయన మండిపడ్డారు.

జూపల్లి

బాబు చేత లోకేష్ జై తెలంగాణ అనిపిస్తే తాను మీడియా ఎదుట టిడిపి ఆఫీసులో ఊడ్చుతానని జూపల్లి కృష్ణా రావు అన్నారు. నెల రోజుల్లో తెలంగాణ రాకుంటే తెలంగాణ ప్రాంత ఎంపీలు కార్యాచరణ ప్రకటించాలన్నారు.

అడ్డుకుంది బాబే

వచ్చిన తెలంగాణను అడ్డుకున్నది చంద్రబాబు నాయుడేనని హరీశ్వర్ రెడ్డి అన్నారు. బాబుకు దమ్ముంటే వరంగల్‌లో జై తెలంగాణ అనాలని డిమాండ్ చేశారు.

క్షమాపన చెప్పాలి

హరీష్, కెటిఆర్‌ల పైన అవమాన వ్యాఖ్యలు చేసిన నారా లోకేష్ అమరవీరుల స్థూపం వద్ద ముక్కు నేలకు రాసి క్షమాపణ చెప్పాలని తెలంగాణ అడ్వోకేట్స్ జెఏసి హెచ్చరించింది. లేదంటే ఆయనను కోర్టుకు ఈడ్చుతామని ప్రకటించింది. లోకేష్ నోటిని అదుపులో పెట్టుకోవాలని ఎర్రోళ్ల శ్రీనివాస్ హెచ్చరించారు. బాబుకు మాట తప్పడం అలవాటే అన్నారు.

తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

English summary
Telangana Rastra Samithi had lashed out at Nara Lokesh for his tweets on Hairsh Rao and K Taraka Rama Rao.
Get Instant News Updates
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more