వేధించొద్దన్నందుకు యువతి తండ్రిని చంపిన ఉన్మాది
ఇదే ప్రాంతంలో ఉంటున్న అన్వర్ అనే ఇరవై ఎనిమిదేళ్ల వ్యక్తి.. ప్రేమిస్తున్నానంటూ యోగేశ్వర్ కూతురు అశ్వని(22) వెంట పడ్డాడు. ఆమె తిరస్కరించినా ప్రేమిస్తున్నానని వేధించేవాడు. విషయం తెలుసుకున్న యోగేశ్వర్... యువకుడిని మందలించాడు. తన కూతురును వేధించవద్దని చెప్పాడు.
తన ప్రేమను అంగీకరించకుంటే అందరినీ చంపేస్తానని బెదిరించిన అన్వర్ మంగళవారం రాత్రి రెండు గంటల సమయంలో యువతి ఇంట్లోకి ప్రవేశించాడు. యోగేశ్వర్ను నిద్రలేపి దూషించాడు. నాటు తుపాకితో తలపై దారుణంగా కాల్చి చంపేశాడు. గమనించిన యోగేశ్వర్ భార్య బయటకు పరుగెత్తింది.
ఆమెను వెంబడించిన అన్వర్ ఓ కత్తితో ఆమెపై దాడి చేశాడు. తీవ్రంగా గాయపర్చాడు. అశ్వినిని ఇంటిపైకి లాక్కెళ్లాడు. అక్కడి నుండి తోసి వేయాలని ప్రయత్నించాడు. ఆమె ప్రతిఘటించింది. దీంతో కుదరలేదు. ఇంతలో అరుపులు విని స్థానికులు అక్కడకు చేరుకున్నారు.
స్థానికుల సమాచారంతో అక్కడకు చేరుకున్న పోలీసులు నిందితుడు అన్వర్ను అరెస్టు చేశారు. తీవ్రంగా గాయపడిన యువతి అశ్వినిని ఆమె తల్లిని చికిత్స నిమిత్తం ఆసుపత్రికి తరలించారు.
Click it and Unblock the Notifications
Sign in with Google