ఇబ్బంది పెట్టినందుకు అందరికీ సారీ: సినీ నటి అంజలి

హైదరాబాద్: కుటుంబ సమస్యల కారణంగా తాను కొంతమంది నిర్మాతలను, దర్శకులను, నటీనటులను ఇబ్బందులకు గురి చేశానని, అందుకు తనను క్షమించాలని ప్రముఖ సినీ నటి అంజలి కోరారు. ఆమె శనివారం ఓ ప్రకటన విడుదల చేశారు. ఇకపై తన దృష్టి అంతా సినిమాలమీదేనని స్పష్టం చేశారు.

"గత ఐదారు రోజులుగా నా జీవితంలో అనుకోని సంఘటనలు చోటు చేసుకున్నాయి. ఈ ప్రాసెస్‌లో కొంత మంది నిర్మాతలు, దర్శకులు, కో-ఆర్టిస్టులను ఇబ్బంది పెట్టాను. అందరికీ సారీ చెబుతున్నాను. ప్రస్తుతం నా కెరీర్, నా లైఫ్ పూర్తిగా నా చేతుల్లోనే ఉంది. ఎంతో మంది అభిమానులు, నా కుటుంబ సభ్యులు జరిగిన సంఘటనలకు ఎంతో ఆందోళన చెందారు.

జరిగిన దానికి ప్రింట్, ఎలక్ట్రానిక్ మీడియావారు సహృదయంతో నన్ను అర్థం చేసుకుని నాకు అండగా నిలిచినందుకు కృతజ్ఞతలు. సోమవారం నుంచి నేను షూటింగ్స్‌లో పాల్గొంటాను. సురేష్ ప్రొడక్షన్ సంస్థ 'బోల్ బచ్చన్' హిందీ చిత్రం ఆధారంగా నిర్మిస్తున్న చిత్రం షూటింగ్‌కి సోమవారం నుంచి హాజరవుతాను.

ఆ తర్వాత బలుపు, ఇతర సినిమాల కమిట్‌మెంట్స్ పూర్తి చేస్తాను. ఇక నా దృష్టంతా సినిమాల మీదే. నాకు అండగా నిలిచిన నా సోదరికి, సోదరులకు నా థాంక్స్' అని ఆ ప్రకటనలో అంజలి పేర్కొన్నారు.

English summary

Actress Anjali has finally come out of hiding. She met DCP of West Zone, Surendra Babu on friday night, and she has been questioned by the police about her activities over the last few days. She has said on Saturday that she will concentrete on films.