పవన్ కు అచ్చొచ్చిన 21 సెంటిమెంట్.. జనసేన పోటీ చేసే కీలక స్థానాలు ఇవే!
2024 ఆంధ్రప్రదేశ్ సాధారణ ఎన్నికల్లో కూటమి పొత్తులో భాగంగా లభించిన 21 అసెంబ్లీ స్థానాల్లో పోటీ చేసిన జనసేన పార్టీ, ఏకంగా 100 శాతం స్ట్రైక్ రేట్‌తో విజయం సాధించి రికార్డు సృష్టించింది. అధినేత పవన్ కళ్యాణ్ నేతృత్వంలో పిఠాపురం నుంచి దర్శి వరకు బరిలోకి దిగిన 21 స్థానాల్లోనూ 'గ్లాస్ గుర్తు' ప్రభంజనం సృష్టించింది. పోటీ చేసిన ప్రతీ స్థానంలోనూ పవన్ సైన్యం విజయం సాధించి అసెంబ్లీలోకి ఘనంగా అడుగుపెట్టింది. అప్పట్లో జనసేన సాధించిన ఈ 21కి 21 క్లీన్ స్వీప్ విక్టరీ, రాష్ట్ర రాజకీయాల్లో సరికొత్త రికార్డుగా నిలిచింది.
పురపోరుకు అచ్చొచ్చిన '21' మున్సిపాలిటీల వ్యూహం
సార్వత్రిక ఎన్నికల్లో తిరుగులేని విజయంతో సంచలనం సృష్టించిన అదే '21' అనే సంఖ్యను ఇప్పుడు స్థానిక సంస్థల ఎన్నికల్లోనూ లక్కీ నంబర్‌గా భావిస్తూ పవన్ కళ్యాణ్ మాస్టర్ ప్లాన్ అమలు చేస్తున్నారు. రాష్ట్రవ్యాప్తంగా స్థానిక పురపాలక పోరు వేళ, వ్యూహాత్మకంగా 21 మున్సిపాలిటీలను ఎంచుకుని జనసేన బరిలోకి దిగుతోంది. అసెంబ్లీ ఫలితాల మ్యాజిక్‌ను పురపాలక సంఘాల్లోనూ రిపీట్ చేస్తూ, ఈ 21 పురపాలకాల్లో చైర్మన్ పీఠాలను దక్కించుకోవడమే లక్ష్యంగా పార్టీ నేతలకు దిశానిర్దేశం చేశారు.
బరిలో నిలిచే ఆ 21 మున్సిపాలిటీలు ఇవే:
- రాజాం
- పాలకొండ
- సాలూరు
- తుని
- గొల్లప్రోలు
- పిఠాపురం
- సామర్లకోట
- ముమ్మిడివరం
- అమలాపురం
- నిడదవోలు
- నర్సాపురం
- భీమవరం
- తాడేపల్లిగూడెం
- తిరువూరు
- పెదన
- తెనాలి
- చిలకలూరిపేట
- దర్శి
- మడకశిర
- పుట్టపర్తి
- పుత్తూరు
పట్టణ స్థానిక సంస్థల ఎన్నికల్లో కూటమి మార్క్ సీట్ల సర్దుబాటు
రాష్ట్రవ్యాప్తంగా ఉన్న మొత్తం 123 పట్టణ స్థానిక సంస్థల పరిధిలో కూటమి భాగస్వామ్య పక్షాల మధ్య సీట్ల పంపకం పూర్తయింది. మొత్తం 106 మున్సిపాలిటీలు, నగర పంచాయతీలకు గాను తెలుగుదేశం పార్టీ 74 (73.58%), జనసేన పార్టీ 21 (19.81%), భారతీయ జనతా పార్టీ 7 (6.60%) స్థానాల్లో బరిలో నిలుస్తున్నాయి. అలాగే 17 మున్సిపల్ కార్పొరేషన్లకు గాను టీడీపీ 11 (64.71%), జనసేన 4 (23.53%), బీజేపీ 2 (11.76%) స్థానాలను దక్కించుకున్నాయి. మొత్తంగా చూస్తే 123 పట్టణ స్థానిక సంస్థల్లో టీడీపీ 85 (72.36%), జనసేన 25 (20.33%), బీజేపీ 9 (7.32%) స్థానాల్లో పోటీకి సిద్ధమయ్యాయి.
Click it and Unblock the Notifications
Sign in with Google
