అథ్లెట్ జ్యోతి యర్రాజికి అండగా ఏపీ ప్రభుత్వం.. రూ.30.35 లక్షల ఆర్థిక సాయం !!
అర్జున అవార్డు గ్రహీత, విశాఖపట్నంకు చెందిన అథ్లెట్ జ్యోతి యర్రాజికి ఆంధ్రప్రదేశ్ ప్రభుత్వం ఆర్థిక సాయం అందించింది. కామన్వెల్త్, ఆసియా క్రీడలకు సన్నద్ధమవుతున్న ఆమెకు రూ.30.35 లక్షల చెక్కును మంత్రి నారా లోకేష్ ఉండవల్లిలోని తన నివాసంలో అందజేశారు. జ్యోతి తన కుటుంబ సభ్యులు, 'శాప్' ఛైర్మన్ రవినాయుడితో కలిసి మంత్రిని కలుసుకున్నారు.
ఇటీవల దక్షిణ కొరియాలో జరిగిన ఆసియా అథ్లెటిక్స్ ఛాంపియన్షిప్లో స్వర్ణం సాధించి దేశానికి గర్వకారణంగా నిలిచిన జ్యోతి కృషిని మంత్రి లోకేష్ ప్రశంసించారు. అంతర్జాతీయ వేదికలపై భారత కీర్తి ప్రతిష్టలను పెంచిన జ్యోతికి ప్రభుత్వం అన్ని విధాలా అండగా నిలుస్తుందని హామీ ఇచ్చారు. ఒలింపిక్స్లో పతకం సాధించడమే లక్ష్యంగా కృషి చేయాలని ఆమెను లోకేష్ ప్రోత్సహించారు.
విశాఖపట్నం జిల్లా ఒక సాధారణ కుటుంబంలో జ్యోతి జన్మించారు. ఆమె తండ్రి సెక్యూరిటీ గార్డ్గా, తల్లి హెల్పర్గా పనిచేస్తున్నారు. ఆర్థికంగా పెద్ద స్థాయిలో కాకపోయినా, జ్యోతి తల్లితండ్రుల కష్టంతో ముందుకు సాగింది. చిన్నతనం నుండే క్రీడల పట్ల ఆసక్తి కలిగి, పాఠశాలలో శారీరక విద్య ఉపాధ్యాయుల ప్రోత్సాహంతో హెర్డిల్స్లో శిక్షణ పొందడం ప్రారంభించింది. 2023లో జరిగిన ప్రపంచ యూనివర్సిటీ గేమ్స్లో 100 మీటర్ల హర్డిల్స్లో బ్రాంజ్ మెడల్ సాధించింది. రీసెంట్ గా జరిగిన ఆసియా అథ్లెటిక్స్ ఛాంపియన్షిప్లో 100 మీటర్ల హర్డిల్స్లో కేవలం 12.96 సెకన్లలో లక్ష్యాన్ని చేరుకొని స్వర్ణ పతకం కైవసం చేసుకుంది.
మరోవైపు వెయిట్ లిఫ్టర్ బొల్లినేని చంద్రిక.. మంత్రి నారా లోకేష్ను ఉండవల్లి నివాసంలో కలిశారు. ఇటీవల ఇస్తాంబుల్లో జరిగిన ఆసియా ఓపెన్ ఇంటర్నేషనల్ పవర్ లిఫ్టింగ్ ఛాంపియన్షిప్లో ఆమె పతకం సాధించారు. ఈ సందర్భంగా మంత్రి లోకేష్ ఆమెను అభినందించారు.
చంద్రిక విజయంపై మంత్రి లోకేష్ ట్వీట్ చేస్తూ, "బొల్లినేని చంద్రికకు అభినందనలు. ఆమె ఇస్తాంబుల్లో జరిగిన ఆసియా ఓపెన్ అంతర్జాతీయ పవర్ లిఫ్టింగ్ ఛాంపియన్షిప్లో 84 కేజీల సీనియర్ విభాగంలో కాంస్య పతకం సాధించారు. ఈ విజయం ఆంధ్రప్రదేశ్కు గర్వకారణం" అని పేర్కొన్నారు. భవిష్యత్తులో మరిన్ని విజయాలు సాధించడానికి తమ పూర్తి మద్దతు ఉంటుందని ఆయన హామీ ఇచ్చారు.
Delighted to meet Andhra Pradesh’s pride, Jyothi Yarraji, and congratulate her on winning Gold at the Asian Athletics Championships with a new meet record in the 100m hurdles. Her grit and determination inspire a nation. We extended ₹30.35 lakh support for her preparations… pic.twitter.com/DRfxgLvRCj
— Lokesh Nara (@naralokesh) January 5, 2026
Glad to meet Bollineni Chandrika from Mangalagiri and congratulate her on winning the Overall Bronze Medal in the +84 kg Senior category at the Asian Open International Powerlifting Championship in Istanbul. Her achievement makes Andhra Pradesh proud. Assured her of our full… pic.twitter.com/vEaT3PgPIw
— Lokesh Nara (@naralokesh) January 5, 2026
Click it and Unblock the Notifications
Sign in with Google