తెల్లారితే పెళ్ళి, సేవింగ్స్ ఖాతాలోని డబ్బును అప్పుకింద జమ చేసిన బ్యాంకు అధికారులు

వివాహం కోసం దాచుకొన్న నగదును అప్పుకింద జమ చేసుకొన్నారు స్టేట్ బ్యాంకు అధికారులు. ఈ ఘటన అనంతపురం జిల్లా శింగనమలలో చోటుచేసుకొంది.

అనంతపురం :వివాహం కోసం దాచుకొన్న నగదును అప్పుకింద జమ చేసుకొన్నారు బ్యాంకు అధికారులు. అసలే చేతిలో డబ్బులేదు. తెల్లారితే పెళ్ళి, బ్యాంకులో ఉన్న కొద్దిపాటి నగదు కూడ అప్పు కింద జమ చేసుకొంటే ఏంచేయాలని పెళ్ళి కూతురు ఆవేదన చెందుతోంది. ఈ ఘటన అనంతపురం జిల్లాలోని శింగనమలలోని స్టేట్ బ్యాంకులో చోటుచేసుకొంది.

అనంతపురం జిల్లా శింగనమల మండలంలోని దాచేపల్లికి చెందిన శోభారాణి అనే యువతికి డిసెంబర్ 9వ, తేదిన కడపలో వివాహం జరగాల్సి ఉంది. అయితే ఆమె తన ఖాతాలో 6 వేల రూపాయాలను, తన తమ్ముడి ఖాతాలో 6 వేల రూపాయాలను జమ చేశారు.

వివాహం సందర్భంగా ఈ నగదును తీసుకొనేందుకు బ్యాంకుకు వచ్చిన ఆమెకు నిరాశే ఎదురైంది. ఆమె తండ్రి బ్యాంకు నుండి తీసుకొన్న అప్పు కిందకు ఈ నగదును జమ చేసుకొన్నారని బ్యాంకు అధికారులు ఆమెకు చెప్పారు.

వివాహం కోసం ఈ డబ్బును దాచుకొన్నామని, ఈ నగదు తమకు అత్యంత అవసరమని ఆ యువతి బ్యాంకు అధికారులను వేడుకొంది. అయినా వారు మాత్రం కనికరించలేదు..ఇదే కుటుంబానికి చెందిన వారు అప్పులు తీసుకొన్నందున ఈ డబ్బును జమ చేసుకొన్నామని బ్యాంకు అధికారులు చెబుతున్నారు.ఆ యువతి బ్యాంకులో కన్నీళ్ళు పెట్టడంతో ఆమె కొంత నగదును ఇచ్చేందుకు అంగీకరించారు.

English summary

shobarani living in dachepally village anantapur district. shobarani and her brother deposti 26 thousand rupees different accounts in state bank. her father borrow money for agriculture. bank officers deposited this savings amount her fathers borrow money. shobarani marrage on dec 9, she went to bank for draw the money in her account. but bank officers didnot accept for give to her money.she requested to bank officers but they didnot agree for give the money