ఆ అర్థం బెయిలివ్వాలని కాదు: జగన్పై సిబిఐ కౌంటర్
జగన్ కేసును త్వరితగతిన పూర్తి చేయాలని మాత్రమే సుప్రీం కోర్టు నిర్ధిష్ట కాలపరిమితిని విధించిందని, దాని అర్థం జగన్కు బెయిల్ ఇవ్వాలని కాదని, జగన్కు బెయిల్ కోసం అత్యున్నత న్యాయస్థానం ఎక్కడా పచ్చజెండా ఊపలేదని పేర్కొంది. జగన్ రాజకీయంగా, ఆర్థికంగా పలుకుబడిన వ్యక్తి అని, ఆయన బయటకు వస్తే దర్యాఫ్తుపై ప్రభావం పడుతుందని చెప్పారు.
అందుకే బెయిల్ ఇవ్వవద్దన్నారు. త్వరలో కేసుపై ట్రయల్స్ను ప్రారంభిస్తామని చెప్పారు. ఆయన బయటకు వస్తే సాక్ష్యాలను తారుమారు చేసే అవకాశముందన్నారు. ఆయన ప్రభావం చూపగల వ్యక్తి అన్నారు. బెయిల్ పిటిషన్ పైన ఈ రోజు వాదనలు పూర్తయ్యాయి. సిబిఐ ప్రత్యేక కోర్టు తీర్పును ఈ నెల 23కు వాయిదా వేసింది.
కాగా, తనకు బెయిల్ ఇవ్వాలని, సుప్రీం కోర్టు ఆదేశాల మేరకు తాను పిటిషన్ దాఖలు చేస్తున్నానని జగన్ ఇటీవల సిబిఐ ప్రత్యేక కోర్టులో బెయిల్ పిటిషన్ దాఖలు చేసిన విషయం తెలిసిందే. దీనిపై సిబిఐ ఈ రోజు కౌంటర్ పిటిషన్ దాఖలు చేసింది.
Click it and Unblock the Notifications
Sign in with Google