జగన్ గెలుపును చంద్రబాబు ముందే ఒప్పుకున్నారా..ఆ మాటలకు అంతర్యం ఏమిటి..?

ఏపీలో రాజకీయ సమీకరణాలు శరవేగంగా మారుతున్నాయి. అన్ని రాజకీయ పార్టీలు గెలుపుపై ధీమా వ్యక్తం చేస్తున్నాయి. వచ్చే ఎన్నికల్లో 175 సీట్లను టార్గెట్ పెట్టుకుని అధికార వైసీపీ పార్టీ బరిలోకి దిగుతుంది. దీనికి అనుగుణంగానే పార్టీ అధినేత జగన్ ఎమ్మెల్యే అభ్యర్థుల విషయంలో మార్పులు చేర్పులు చేపట్టారు. దాదాపు 40 మంది ఎమ్మెల్యేలను మార్చడానికి జగన్ సన్నద్ధం అవుతున్నారు.

ఇక ఇదే సమయంలో ఎలాగైనా రాబోవు ఎన్నికల్లో జగన్‌ను ఓడించాలని టీడీపీ-జనసేన కూటమి పావులు కదుపుతుంది. ఈ మేరకు చంద్రబాబు, పవన్‌లు సమావేశమై పలు దశల్లో చర్చలు జరిపారు. ఈ రెండు పార్టీల మధ్య సీట్ల సర్దుబాటు విషయంలోకొంత సందిగ్ధత నెలకొంది. మరి కొద్దిరోజుల్లో దీనిపై క్లారిటీ వచ్చే అవకాశం ఉంది.

ఇదిలా ఉంటే ..రాబోవు ఎన్నికల్లో జగన్ గెలుపును టీడీపీ అధినేత చంద్రబాబు ముందే అంగీకరిస్తున్నారా అంటే అవుననే అంటున్నాయి రాజకీయ వర్గాలు. కొద్ది రోజులు క్రితం మీడియాతో చంద్రబాబు మాట్లాడుతూ.. వచ్చే ఎన్నికల్లో టీడీపీ ఓడిపోతే ఏపీలో అడుగు పెట్టనని..రాష్ట్రానికి ఇక మీదట రానని చంద్రబాబు తేల్చి చెప్పారు.

అంటే వచ్చే ఎన్నికల్లో జగన్ గెలుస్తారని చంద్రబాబుకు ముందే అర్థమైందని.. అందుకే ఇలాంటి మాటలు మాట్లాడుతున్నారనే ఊహగానాలు ఇప్పుడు ఏపీలో మొదలయ్యాయి. చంద్రబాబు మాటలు విన్న తరువాత టీడీపీ శ్రేణుల్లో సైతం ఇదే అనుమానం కలుగుతుంది. ఓటమిని తమ నేత ముందుగానే ఒప్పుకున్నట్టు ఉందని టీడీపీ నాయకులు చర్చించుకుంటున్నారు.

అధికార వైసీపీని ఇరుకున పెట్టాల్సిన ప్రతిపక్షనేత ఇలా చౌకబారు మాటలు మాట్లాడటం హాస్యాస్పదంగా మారింది. జనసేనతో పొత్తు తరువాత గెలుపుపై ఆశలు పెట్టుకున్న తెలుగు తమ్ముళ్లకు చంద్రబాబు మాటలు పూర్తి నైరాశ్యంలోకి నెట్టేశాయి. గెలుపుపై పార్టీ అధినేతకే నమ్మకం లేకపోతే ఇంక సామాన్య ప్రజలకు ఎలా నమ్మకం కలుగుతుందని పార్టీ శ్రేణులు ప్రశ్నిస్తున్నాయి. చంద్రబాబు చేసిన వ్యాఖ్యల పట్ల టీడీపీ క్యాడర్ ఇబ్బంది పడుతుంది. ఇలాంటి వ్యాఖ్యలు చేస్తే ఎన్నికల్లో భారీ నష్టాన్ని మూటకట్టుకోవాల్సి వస్తుందని వారు భయపడుతున్నారు.

English summary

Chandrababu accept Jagan's victory before elections..?