'మిస్ అమరావతి' : రాజధానిలో అత్యంత అందగత్తె ఎవరు?

Published: Saturday, August 27, 2016, 12:09 [IST]

విజయవాడ : ప్రపంచీకరణ నేపథ్యం.. కొన్ని రంగాలను మరింత విస్తృతం చేసింది. సాంప్రదాయ భావాల స్థానంలో ఆధునిక రంగులను అద్ది.. ఎగువ తరగతి కుటుంబాలకే పరిమితమైన మోడలింగ్ లాంటి రంగాలను మధ్య తరగతికి కూడా విస్తరించింది. స్కూళ్లు, కాలేజీలు, పబ్లింగ్ ఈవెంట్స్.. ఇలా కార్యక్రమమేదైనా.. ర్యాంప్ వాక్ లాంటి కార్యక్రమాలు ప్రతీ చోటా దర్శనమిస్తూనే ఉన్నాయి.

ఇక నవ్యాంధ్ర రాజధానిలోను ఇప్పుడిదే ఫీవర్ కొనసాగుతోంది. రాజధాని ప్రాంతంలో మోస్ట్ బ్యూటీఫుల్ వుమెన్ కోసం.. ఇప్పుడు 'మిస్ అమరావతి' పోటీలు జరుగుతున్నాయి. ఫ్యూచర్ ఆల్, సాయి క్రియేటివ్ ఎంటర్ టెయిన్ మెంట్స్ సంయుక్తంగా నిర్వహిస్తోన్న ఈ పోటీలో.. అందాల భామ కిరిటాన్ని దక్కించుకోవడానికి గుంటూరు భామలు పోటీ పడ్డారు.

ర్యాంప్ పై హోయలు పోతూ.. చూపరులను ఆకట్టుకునేలా సాగింది మిస్ అమరావతి ర్యాంప్ షో. ఈ ర్యాంప్ వాక్ ద్వారా 11 మందిని అమ్మాయిలను ఎంపిక చేసినట్లుగా చెప్పారు నిర్వాహకులు. విజయవాడలో నిర్వహించే మిస్ అమరావతి కాంటెస్ట్ నుంచి మరో 11 మందిని ఎంపిక చేసి.. 22 మంది అమ్మాయిలతో అక్టోబర్ లో ఫైనల్ కాంటెస్ట్ నిర్వహించనున్నట్లు నిర్వాహకులు తెలిపారు.

Published On August 27, 2016