ఏపీ పరిణామాలపై టాలీవుడ్ మౌనం అందుకే- పవన్ కళ్యాణ్ కామెంట్స్..

ఏపీలో స్కిల్ స్కాంలో టీడీపీ అధినేత చంద్రబాబు అరెస్టు తర్వాత రాజకీయాలు వేగంగా మారుతున్నాయి. అలాగే చంద్రబాబు అరెస్టుకు మద్దతుగా, వ్యతిరేకంగా రాజకీయ పార్టీల మధ్య మాటల యుద్ధం కూడా కొనసాగుతోంది.

ఈ నేపథ్యంలో గతంలో చంద్రబాబు అధికారంలో ఉండగా ఆయన నుంచి లబ్ది పొందిన తెలుగు చిత్ర పరిశ్రమ పెద్దలు ఇప్పుడు ఆయనకు మద్దతుగా మాట్లాడకుండా ఎందుకు మౌనంగా ఉండిపోతున్నారనే చర్చ జరుగుతోంది. దీని వెనుక కారణాన్ని జనసేన అధినేత, హీరో పవన్ కళ్యాణ్ వెల్లడించారు.

హైదరాబాద్ లో ఓ వినోద ఛానల్ ప్రారంభోత్సవ కార్యక్రమంలో పాల్గొన్న పవన్ కళ్యాణ్ కు ఏపీలో తాజా పరిణామాలపై టాలీవుడ్ మౌనం ఎందుకన్న ప్రశ్న ఎదురైంది. దీంతో ఆయన తనదైన శైలిలో దీనికి గల కారణాన్ని వెల్లడించారు. ముఖ్యంగా ఏపీలో రాజకీయాలు ఇతర రాష్ట్రాల్లో సైతం చర్చనీయాంశం అవుతున్నా టాలీవుడ్ పెద్దలు దీనిపై స్పందించకుండా ఎందుకు మౌనంగా ఉండిపోతున్నారో పవన్ కళ్యాణ్ స్పష్టంగా చెప్పేశారు.

టాలీవుడ్ పరిశ్రమకు చెందిన వారంతా కళాకారులే తప్ప రాజకీయ నాయకులు కాదంటూ పవన్ కళ్యాణ్ చెప్పుకొచ్చారు. రజనీకాంత్ వంటి వారు కూడా రాజకీయ పరిణామాలపై మాట్లాడలేరంటని పవన్ వెల్లడించారు. ఒక వేళ మాట్లాడినా చాలా ఇబ్బందికరమైన పరిస్ధితులు ఎదురవుతాయంటూ పవన్ వ్యాఖ్యానించారు. వాస్తవానికి ప్రపంచంలో చోటు చేసుకునే ప్రతీ ఘటనకూ చిత్ర పరిశ్రమ స్పందించాలని అంతా కోరుకుంటారని, కానీ అదంత తేలికైన విషయం కాదన్నారు.

తద్వారా ఏపీ రాజకీయాలపై ఏం మాట్లాడితే ఏం జరుగుతుందో అన్న టాలీవుడ్ లో ఉందన్న అంశాన్ని పవన్ కళ్యాణ్ చెప్పకనే చెప్పేశారు. అంతే కాదు రాజకీయాలపై పరిశ్రమ మాట్లాడకపోవడాన్ని కూడా ఆయన సమర్ధించినట్లయింది. గతంలోనూ పవన్ కళ్యాణ్ చంద్రబాబు అరెస్టు తర్వాత టాలీవుడ్ మౌనంగా ఉండటంపై ఇవే తరహా వ్యాఖ్యలు చేశారు.

English summary

janasena party chief pawan kalyan today clarified that ysrcp govt's verbal attack is the reason behind tollywood silence over chandrababu arrest.